ಶಿವಮೊಗ್ಗ: ಹಾಫ್​ ಹೆಲ್ಮೆಟ್​ ವಶಕ್ಕೆ; ಹೆಲ್ಮೆಟ್​​ ಅಂಗಡಿಗಳ ಮೇಲೆ ಸಂಚಾರಿ ಪೊಲೀಸರ ದಾಳಿ

ಶಿವಮೊಗ್ಗ: ನಗರದಲ್ಲಿ ಹಾಫ್​ ಹೆಲ್ಮೆಟ್​ ಧರಿಸಿ ಸಂಚರಿಸುತ್ತಿದ್ದ ದ್ವಿಚಕ್ರ ಸವಾರರು ಮತ್ತು ಹಾಫ್​ ಹೆಲ್ಮೆಟ್​ ಮಾರಾಟ ಮಾಡುತ್ತಿದ್ದ ಅಂಗಡಿಗಳ ಮೇಲೆ ಸಂಚಾರಿ ಪೊಲೀಸರು ದಾಳಿ ನಡೆಸಿದ್ದಾರೆ. ವಾಹನ ಸವಾರರ ಹೆಲ್ಮೆಟ್​ಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಶಿವಮೊಗ್ಗ ಹಾಗೂ ಭದ್ರಾವತಿ ಪಟ್ಟಣದ ವಿವಿಧ ಹೆಲ್ಮೆಟ್ ಅಂಗಡಿಗಳ ದಾಳಿ ಮಾಡಿದ ಪೊಲೀಸರು, ಐಎಸ್ಐ ಮಾರ್ಕ್ ಇಲ್ಲದ ಮತ್ತು ಹಾಫ್​ ಹೆಲ್ಮೆಟ್​ಗಳನ್ನು ವಶಕ್ಕೆ ಪಡೆದರು. ಶಿವಮೊಗ್ಗದಲ್ಲಿ 600 ಹಾಗೂ ಭದ್ರಾವತಿಯ 141 ಅಂಗಡಿಗಳ ಮೇಲೆ ಸೇರಿ ಒಟ್ಟು 741 ಅಂಗಡಿಗಳ ಮೇಲೆ ದಾಳಿ ನಡೆಸಿದರು. ಅಂಗಡಿ ಮಾಲೀಕರಿಗೆ ಐಎಎಸ್ ಮಾರ್ಕ್ ಇಲ್ಲದ ಹೆಲ್ಮೆಟ್ ಮಾರಾಟದಂತೆ ತಿಳುವಳಿಕೆ ನೋಟಿಸ್ ನೀಡಲಾಗಿದೆ.

ಸವಾರರ ಹಾಫ್​ ಹೆಲ್ಮೆಟ್​ ವಶಕ್ಕೆ: ಶಿವಮೊಗ್ಗ ನಗರದ ವಿವಿಧೆಡೆ ದಿಢೀರ್‌ ಕಾರ್ಯಾಚರಣೆ ನಡೆಸಿದ ಪೊಲೀಸರು ಹಾಫ್‌ ಹೆಲ್ಮೆಟ್‌ಗಳನ್ನು ಧರಿಸಿ ದ್ವಿಚಕ್ರ ವಾಹನ ಚಲಾಯಿಸುತ್ತಿದ್ದವರ ಹೆಲ್ಮೆಟ್​ಗಳನ್ನು ವಶಕ್ಕೆ ಪಡೆದರು. ಕಾರ್ಯಾಚರಣೆಯಲ್ಲಿ ಸುಮಾರು 1000ಕ್ಕೂ ಅಧಿಕ ಹೆಲ್ಮೆಟ್‌ಗಳನ್ನು ವಶಕ್ಕೆ ಪಡೆದು ವಾಹನದಲ್ಲಿ ತುಂಬಿಕೊಂಡು ಠಾಣೆಗೆ ಹೋಗಿದ್ದಾರೆ. ಹಾಫ್‌ ಹೆಲ್ಮೆಟ್‌ ಧರಿಸುವವರ ವಿರುದ್ಧ ಮೋಟಾರ್‌ ವಾಹನ ಕಾಯ್ದೆ ಅಡಿ ಪ್ರಕರಣ ದಾಖಲಿಸಲಾಗುತ್ತದೆ ಎಂದು ಎಚ್ಚರಿಕೆ ನೀಡಿದ್ದಾರೆ.

ಇದನ್ನೂ ಓದಿ : ನೋಯ್ಡಾದಲ್ಲಿ 400ಕ್ಕೂ ಹೆಚ್ಚು ವಾಹನಗಳು ಜಲಾವೃತ! ಈ ದೃಶ್ಯವನ್ನೊಮ್ಮೆ ನೋಡಿ