ಕಲಬುರಗಿಯಲ್ಲಿ 'ಗಂಧದ ಗುಡಿ' ಜಾತ್ರೆ ಶುರು; ಪುನೀತ್ ಅಭಿಮಾನಿಗಳ ಹರ್ಷೋಲ್ಲಾಸ

ಪುನೀತ್ ರಾಜ್​ಕುಮಾರ್​ ಕಣ್ಮರೆಯಾಗಿ ಬರೋಬ್ಬರಿ ಒಂದು ವರ್ಷವಾದರೂ ಅಭಿಮಾನಿಗಳ ಪಾಲಿಗೆ ಪುನೀತ್ ಇನ್ನೂ ಜೀವಂತ ದೇವರಂತೆ ಕಾಣಿಸುತ್ತಿದ್ದಾರೆ. ಕಲಬುರಗಿಯಲ್ಲಿ ಅಭಿಮಾನಿಗಳು ಪುನೀತ್ ಅವರಿಗೆ ದೇವರ ರೂಪ ನೀಡಿ ಸಂಭ್ರಮಿಸುವ ಮೂಲಕ ಗಮನ ಸೆಳೆದಿದ್ದಾರೆ.ನಾಳೆ ಪುನೀತ್ ರಾಜ್​ಕುಮಾರ್ ಅಭಿನಯದ ಗಂಧದಗುಡಿ ಚಿತ್ರ ಬಿಡುಗಡೆ ಹಿನ್ನೆಲೆ ಇಂದು ಕಲಬುರಗಿಯಲ್ಲಿ ಗಂಧದ ಗುಡಿ‌ ಜಾತ್ರೆ ಮಾಡಲಾಗ್ತಿದೆ. ಪುನೀತ್ ಅವರ ಭಾವಚಿತ್ರಕ್ಕೆ ಬ್ರಹ್ಮ ವಿಷ್ಣು ಮಹೇಶ್ವರ ರೂಪವ ನೀಡಿ ಭಾವಚಿತ್ರಗಳನ್ನು ಭವ್ಯ ಮೆರವಣಿಗೆ ಮಾಡ್ತಿದ್ದಾರೆ. ಈ ವೇಳೆ ಅಭಿಮಾನಿಗಳು ಪುನೀತ್ ನಟಿಸಿದ ಚಿತ್ರಗಳ ಹಾಡುಗಳಿಗೆ ಡ್ಯಾನ್ಸ್ ಮಾಡುತ್ತಿದ್ದಾರೆ. ಎಲ್ಲೆಲ್ಲೂ ಕನ್ನಡದ ಭಾವುಟಗಳು ರಾರಾಜಿಸುತ್ತಿವೆ. ಮದ್ದು ಸಿಡಿ ಅಕ್ಷರ ಜಾತ್ರೆ ಮಾದರಿಯಲ್ಲಿ ಗಂದಧ ಗುಡಿ ಜಾತ್ರೆ ಮಾಡುತ್ತಿದ್ದಾರೆ.