ವಿಜಯನಗರ: ಹಾಡಹಗಲೇ ಹಂಪಿ ಕನ್ನಡ ವಿವಿ ಆವರಣದಲ್ಲಿ ಕರಡಿ ಪ್ರತ್ಯಕ್ಷ

ಹೊಸಪೇಟೆ ತಾಲೂಕಿನ ಹಂಪಿ ಕನ್ನಡ ವಿಶ್ವವಿದ್ಯಾಲಯದಲ್ಲಿ ಕರಡಿಯೊಂದು ಪ್ರತ್ಯಕ್ಷವಾಗಿದ್ದು, ಆತಂಕಕ್ಕೆ ಕಾರಣವಾಗಿದೆ. ವಿವಿ ಆವರಣದಲ್ಲಿ ಸುತ್ತಾಡುತ್ತಿದ್ದ ಕರಡಿ ಕಂಡು ವಿದ್ಯಾರ್ಥಿಗಳು ತಮ್ಮ ಮೊಬೈಲ್​ನಲ್ಲಿ ವಿಡಿಯೋ ಸೆರೆಹಿಡಿದಿದ್ದಾರೆ. ಹಗಲಿನ ಹೊತ್ತಲ್ಲೇ ಕರಡಿ ರಾಜಾರೋಷವಾಗಿ ವಿವಿಯ ಗಿರಿಸೀಮೆಯ ಬಳಿ ಸೇರಿದಂತೆ ನಾನಾ ಕಡೆ ಓಡಾಟ ಮಾಡುತ್ತಿರುವುದು ವಿದ್ಯಾರ್ಥಿಗಳನ್ನು ಬೆಚ್ಚಿ ಬೀಳುವಂತೆ ಮಾಡಿದೆ. ಪಕ್ಕದಲ್ಲಿಯೇ ದರೋಜಿ ಕರಡಿ ಧಾಮವಿದೆ. ಹೀಗಾಗಿ ಇಲ್ಲಿ ಸಹಜವಾಗಿಯೇ ಕರಡಿಗಳ ಕಾಟ ಹೆಚ್ಚಾಗಿಯೇ ಇದೆ.