ಕುಟುಂಬದೊಂದಿಗೆ ತಾಜ್ ಮಹಲ್​​ಗೆ ಭೇಟಿ ನೀಡಿದ ಆಸ್ಟ್ರೇಲಿಯಾ ಕ್ರಿಕೆಟಿಗ ಆ್ಯಡಮ್ ಝಂಪಾ- ವಿಡಿಯೋ

ಆಗ್ರಾ (ಉತ್ತರ ಪ್ರದೇಶ): ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಲೆಗ್ ಸ್ಪಿನ್ನರ್ ಆ್ಯಡಮ್ ಝಂಪಾ ಸೋಮವಾರ ತಮ್ಮ ಕುಟುಂಬದೊಂದಿಗೆ ಆಗ್ರಾದ ಪ್ರಸಿದ್ಧ ತಾಜ್​ ಮಹಲ್​ಗೆ ಭೇಟಿ ಕೊಟ್ಟರು. ಈ ಸಂದರ್ಭದಲ್ಲಿ ತಾಯಿ ಪಾಲ್ಮಿಯರ್, ಪತ್ನಿ ಹ್ಯಾರಿಯೆಟ್ ಮತ್ತು ಮಗ ಇದ್ದರು. ಸುಮಾರು ಎರಡು ಗಂಟೆಗಳ ಕಾಲ ಪ್ರವಾಸಿ ತಾಣದಲ್ಲಿ ಸಮಯ ಕಳೆದರು. 

ತಾಜ್​ ಮಹಲ್​ನಲ್ಲಿ ಗೈಡ್ ಪಡೆದ ಅವರು ಮೊಘಲ್ ಚಕ್ರವರ್ತಿ ಷಹಜಹಾನ್ ತನ್ನ ಪತ್ನಿ ಮುಮ್ತಾಜ್‌ಗಾಗಿ ನಿರ್ಮಿಸಿದ ಪ್ರೇಮಸೌಧದ ಇತಿಹಾಸ ಕೇಳಿ ತಿಳಿದುಕೊಂಡರು. ಸೋಮವಾರ ಬೆಳಿಗ್ಗೆ ಸುಮಾರು 9 ಗಂಟೆಗೆ ಕುಟುಂಬದೊಂದಿಗೆ ಝಂಪಾ ಆಗ್ರಾ ತಲುಪಿದ್ದರು.  

ದೆಹಲಿಯ ಅರುಣ್​ ಜೇಟ್ಲಿ ಕ್ರೀಡಾಂಗಣದಲ್ಲಿ ಆಸ್ಟ್ರೇಲಿಯಾ ಮತ್ತು ನೆದರ್ಲೆಂಡ್​ ನಡುವೆ ಅಕ್ಟೋಬರ್​ 25ರಂದು ಕ್ರಿಕೆಟ್ ಪಂದ್ಯ ನಡೆಯಲಿದೆ. ಹೀಗಾಗಿ ಆಸ್ಟ್ರೇಲಿಯಾ ಆಟಗಾರರು ದೆಹಲಿಗೆ ಬಂದಿಳಿದಿದ್ದಾರೆ. ಅ.20ರಂದು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಪಾಕಿಸ್ತಾನವನ್ನು ಮಣಿಸಿ ಎರಡು ಗೆಲುವು ಕಂಡಿರುವ ಕಾಂಗರೂ ಪಡೆ ಇದೀಗ ಹ್ಯಾಟ್ರಿಕ್​ ಗೆಲುವಿನ ಲೆಕ್ಕಾಚಾರದಲ್ಲಿದೆ. 

ಇದನ್ನೂ ಓದಿ: ನ್ಯೂಜಿಲೆಂಡ್​ ವಿರುದ್ದ ಕೊಹ್ಲಿ ಅಬ್ಬರ: ಪತಿಯ ಆಟಕ್ಕೆ ಮನಸೋತ ಪತ್ನಿ ಅನುಷ್ಕಾ ಇನ್​ಸ್ಟಾದಲ್ಲಿ ಮೆಚ್ಚುಗೆ