Watch ಬಾಯ್ಲರ್​ ಇಳಿಸಲು ಬಂದ ಕ್ರೇನ್​ ಪಲ್ಟಿ: 15 ಅಡಿ ಎತ್ತರದಲ್ಲಿ ಸಿಲುಕಿದ ಯಂತ್ರ

ಲೂಧಿಯಾನ (ಪಂಜಾಬ್​) : ಬಾಯ್ಲರ್​ ಇಳಿಸಲು ಬಂದ ಕ್ರೇನ್​ ಪಲ್ಟಿಯಾಗಿ 15 ಅಡಿ ಎತ್ತರದಲ್ಲಿ ಸಿಲುಕಿದ ಘಟನೆ ಪಂಜಾಬ್​ನ ಲೂಧಿಯಾನದಲ್ಲಿ ನಡೆದಿದೆ. ಇದರಿಂದಾಗಿ ಇಲ್ಲಿನ ಗೌಶಾಲಾ ರಸ್ತೆಯಲ್ಲಿ ಕೆಲ ಕಾಲ ಸಂಚಾರ ಅಸ್ತವ್ಯಸ್ತಗೊಂಡಿತ್ತು.

ಗೌಶಾಲಾದ ಕಿರದಾದ ರಸ್ತೆಯಲ್ಲಿರುವ ಅಂಗಡಿಯೊಂದಕ್ಕೆ ಬಾಯ್ಲರ್​ ಅಳವಡಿಸಲು ಮುಂಜಾನೆ ಕ್ರೇನ್​ ಬಂದಿತ್ತು. ಬಾಯ್ಲರ್​ ಇಳಿಸುವ ವೇಳೆ ಕ್ರೇನ್​ ಪಲ್ಟಿಯಾಗಿದೆ. ಈ ವೇಳೆ, ಅಲ್ಲಿಯೇ ಇದ್ದ ಟ್ತ್ಯಾಕ್ಟರ್​ ಮೇಲೆ ಬಾಯ್ಲರ್​  ಬಿದ್ದಿದ್ದು, ಟ್ರ್ಯಾಕ್ಟರ್​ ಸಂಪೂರ್ಣ ನಜ್ಜುಗುಜ್ಜಾಗಿದೆ. ಈ ರಸ್ತೆಯಲ್ಲಿ ಕ್ರೇನ್ ಆಗಮಿಸಿದ್ದರಿಂದ ರಸ್ತೆಯ ಸುತ್ತಮುತ್ತಲಿನ ಕಟ್ಟಡಗಳಿಗೂ ಹಾನಿಯಾಗಿದೆ. ಅದೃಷ್ಟವಶಾತ್​ ಯಾವುದೇ ಜೀವ ಹಾನಿ ಸಂಭವಿಸಿಲ್ಲ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಕ್ರೇನ್​ ಮಾಲೀಕ, ಅಂಗಡಿಯೊಂದಕ್ಕೆ ಬಾಯ್ಲರ್ ಅಳವಡಿಸಲು ಕ್ರೇನ್ ಇಲ್ಲಿಗೆ ಬಂದಿತ್ತು. ರಸ್ತೆ ಕಿರಿದಾದ ಕಾರಣ ಅಪಘಾತ ಸಂಭವಿಸಿದೆ. ಸದ್ಯ ತೆರವು ಕಾರ್ಯ ನಡೆಯುತ್ತಿದೆ. ಅಪಘಾತದಿಂದ ಕೆಲವು ಕಟ್ಟಡಗಳಿಗೆ ಹಾನಿಯಾಗಿದೆ ಎಂದು ಹೇಳಿದರು. ಕ್ರೇನ್​ ಪಲ್ಟಿಯಾಗಿರುವುದನ್ನು ನೋಡಲು ಜನರು ಜಮಾಯಿಸಿದ್ದರು.

ಇದನ್ನೂ ಓದಿ : ಡಿಎಂಕೆ ಸಭೆ ವೇಳೆ 'ಭಾರತ್ ಮಾತಾ ಕೀ ಜೈ' ಘೋಷಣೆ : ಅಡ್ಡಗಟ್ಟಿ ಕಾರು ಪುಡಿ ಮಾಡಿದ ಕಾರ್ಯಕರ್ತರು