ರಸ್ತೆ ಪಕ್ಕದಲ್ಲಿ ನಿಂತಿದ್ದ ಬಾಲಕನ ಮೇಲೆ ದಾಳಿ ನಡೆಸಿದ ಗೂಳಿ.. ವಿಡಿಯೋ

ಶಿವಮೊಗ್ಗ: ಸಹೋದರರು ಸೈಕಲ್​ನಲ್ಲಿ ಆಟವಾಡುತ್ತಿರುವುದನ್ನು ನೋಡುತ್ತ ನಿಂತಿದ್ದ ಬಾಲಕನಿಗೆ ಹಿಂಬದಿಯಿಂದ ಬಂದ ಗೂಳಿ ಏಕಾಏಕಿ ದಾಳಿ ನಡೆಸಿರುವ ಘಟನೆ ಸಾಗರ ಪಟ್ಟಣದಲ್ಲಿ ನಡೆದಿದೆ. ಇಲ್ಲಿಯ ನೆಹರು ಬಡಾವಣೆಯಲ್ಲಿ 6 ವರ್ಷದ ಬಾಲಕ ನವಾಜ್ ಅಲಿಖಾನ್ ಸಂಜೆ ವೇಳೆ ಮನೆ ಹತ್ತಿರದ ರಸ್ತೆ ಪಕ್ಕದಲ್ಲಿ ನಿಂತು ತನ್ನ ಸಹೋದರರು ಸೈಕಲ್​ನಲ್ಲಿ ಆಟ ಆಡುವುದನ್ನು ನೋಡುತ್ತಿದ್ದ. ಈ ವೇಳೆ ಗೂಳಿ ಹಿಂಬದಿಯಿಂದ ಬಂದು ಗುದ್ದಿ ಎತ್ತಿ ಹಾಕಿದೆ. 

ಇದನ್ನು ಕಂಡು ನವಾಜ್ ಪೋಷಕರು ಮನೆಯಿಂದ ಹೊರ ಓಡಿ ಬಂದು​ ಬಾಲಕನನ್ನು ​ರಕ್ಷಿಸಿದ್ದಾರೆ. ಅಲ್ಲದೇ ಗೂಳಿಯನ್ನು ಅಲ್ಲಿಂದ ಓಡಿಸಿದ್ದಾರೆ. ಗೂಳಿ ದಾಳಿಗೊಳಗಾದ ನವಾಜ್ ತಲೆ ಕೆಳಗಾಗಿ ಬಿದ್ದಿದ್ದಾನೆ. ಇದರಿಂದ‌ ತಲೆ ಹಾಗೂ ಕಾಲಿಗೆ ಗಾಯಗಳಾಗಿವೆ. ಘಟನೆಯ ಎಲ್ಲ ದೃಶ್ಯಗಳು ಸಿಸಿ ಕ್ಯಾಮಾರದಲ್ಲಿ ಸೆರೆಯಾಗಿದೆ. ಕೂಡಲೇ ಗಾಯಾಳು ಬಾಲಕ ನವಾಜ್​ನನ್ನು ಸಾಗರದ ಆಸ್ಪತ್ರೆಗೆ ಕರದೊಯ್ದು ಚಿಕಿತ್ಸೆ ಕೊಡಿಸಿದ್ದಾರೆ. 

ಇದನ್ನೂ ಓದಿ: ರಾಯಚೂರಿನಲ್ಲಿ ಬೀದಿ ನಾಯಿಗಳ ದಾಳಿ.. 20ಕ್ಕೂ ಅಧಿಕ ಕುರಿಗಳ ಸಾವು

ಇದನ್ನೂ ಓದಿ: ಕಸಾಯಿಖಾನೆಗೆ ತಂದಿಳಿಸಿದಾಗ ಹಗ್ಗ ಹರಿದು ಓಡಿದ ಎಮ್ಮೆ; ತಿವಿತಕ್ಕೆ ಚಿತ್ರದುರ್ಗದ ಯುವಕ ಸಾವು