'ಕೆಜಿಎಫ್: ಚಾಪ್ಟರ್ 2' ಸಿನಿಮಾ ಟ್ರೈಲರ್ ರಿಲೀಸ್ ಕಾರ್ಯಕ್ರಮ.. ಅಂಬರೀಶ್​ ಸ್ಮರಿಸಿದ ಯಶ್​​

ಭಾರತೀಯ ಚಿತ್ರರಂಗದ ಬಹುನಿರೀಕ್ಷಿತ 'ರಾಕಿಂಗ್ ಸ್ಟಾರ್' ಯಶ್ ಅಭಿನಯದ 'ಕೆಜಿಎಫ್: ಚಾಪ್ಟರ್ 2' ಸಿನಿಮಾದ ಟ್ರೈಲರ್ ರಿಲೀಸ್ ಆಗಿದೆ. ನಟ ಶಿವರಾಜ್‌ ಕುಮಾರ್‌ 'ಕೆಜಿಎಫ್ ಚಾಪ್ಟರ್‌ 2' ಟ್ರೈಲರ್ ಬಿಡುಗಡೆ ಮಾಡಿದರು. ಟ್ರೈಲರ್​ ಬಿಡುಗಡೆ ಕಾರ್ಯಕ್ರಮದಲ್ಲಿ ಚಿತ್ರದ ಹೀರೋ ರಾಕಿಂಗ್​ ಸ್ಟಾರ್​​ ಯಶ್ ಮಾತನಾಡಿ, ನಾಗಭರಣ ಸರ್​ ನಮ್ಮ ಗುರುಗಳು, ಅವರ ಜೊತೆ ಕೆಲಸ ಮಾಡಲು ಅವಕಾಶ ಸಿಕ್ಕಿರುವುದು ನನ್ನ ಅದೃಷ್ಟ. ಮಾಳವಿಕ ಮೇಡಂ ನನಗೆ ದೊಡ್ಡ ಸಿಸ್ಟರ್​​. ಇದೇ ವೇಳೆ ಅವರು ಡಿಜೈನರ್​ ಸಾನಿಯಾ, ಕಿಟ್ಟಿ,​ ಸಚಿವ ಅಶ್ವತ್ಥನಾರಾಯಣ ಸೇರಿ ಇತರರನ್ನು ನೆನಪಿಸಿಕೊಂಡು, ಅವರಿಗೆ ಧನ್ಯವಾದ ಹೇಳಿದರು. ಬಳಿಕ ದಿ. ರೆಬಲ್​ ಸ್ಟಾರ್​ ಅಂಬರೀಶ್​ ಅವರನ್ನು ನೆನಪಿಸಿಕೊಂಡ ಯಶ್​​, ಕಳೆದ ಬಾರಿ ಅಂಬರೀಶ್​ ಅಣ್ಣ ಟ್ರೇಲರ್​ ಲಾಂಚ್​ ಮಾಡಿದ್ರು, ಆದ್ರೆ ಈಗ ಅವರು ಇಲ್ಲ ಎಂದು ಭಾವುಕರಾಗಿ ಹೇಳಿದ್ರು.