ಮನೆಗೆ ಸೇರುವ ಮುನ್ನ ಜವರಾಯನ ಅಟ್ಟಹಾಸ... ನಿದ್ರೆಯಲ್ಲೇ ಚಿರನಿದ್ದೆಗೆ ಜಾರಿದ 10 ಕೂಲಿಕಾರ್ಮಿಕರು!

ಅವರೆಲ್ಲ ಕೂಲಿ ಪಾಡಿಗಾಗಿ ಒಂದು ರಾಜ್ಯದಿಂದ ಮತ್ತೊಂದು ರಾಜ್ಯಕ್ಕೆ ಬಂದಿದ್ದರು. ಕೆಲಸ ಮುಗಿಸಿಕೊಂಡು ವಾಪಸ್​ ಹೋಗುತ್ತಿದ್ದ ಸಂದರ್ಭದಲ್ಲಿ ಜವರಾಯನ ಅಟ್ಟಹಾಸಕ್ಕೆ 10 ಜನರು ನಿದ್ರೆಯಲ್ಲೇ ಚಿರನಿದ್ರೆಗೆ ಜಾರಿದರು. ಈ ಘಟನೆ ತಮಿಳುನಾಡಿನ ವಿಲ್ಲುಪುರಂನಲ್ಲಿ ನಡೆದಿದೆ. ಜಾರ್ಖಂಡನಿಂದ ಸುಮಾರು 11 ಜನ ಕೂಲಿಕಾರ್ಮಿಕರು ತಮಿಳುನಾಡಿಗೆ ಬಂದಿದ್ದರು. ಇವರು ಕಾಂಚಿಪುರಂ ಜಿಲ್ಲೆಯಿಂದ ತಿರುಪೂರ್​ ಜಿಲ್ಲೆಯವರೆಗೆ ವಿದ್ಯುತ್​ ಲೈನ್​ ಎಳೆಯುವ ಕೆಲಸ ಮುಗಿಸಿಕೊಂಡು ಟ್ರಕ್​ನಲ್ಲಿ 14 ಕೂಲಿಕಾರ್ಮಿಕರು ವಾಪಸಾಗುತ್ತಿದ್ದರು. ಈ ವೇಳೆ ಅಪಘಾತ ಸಂಭವಿಸಿದ್ದು, 10 ಜನ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಈ ಘಟನೆ ಕುರಿತು ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.