ಸೈಕಲ್​​​​ ಮೇಲೆ ಹತ್ತಿ ನೀರು ಕುಡಿದ ಮೂಕ ಜೀವ... ದಾಹ ನೀಗಿಸಿದ ಸೈಕ್ಲಿಸ್ಟ್! ವಿಡಿಯೋ

ಉಷ್ಣಾಂಶ ಗಾಳಿಯಿಂದ ಬಾಯಾರಿದ ಪ್ರಾಣಿಯೊಂದಕ್ಕೆ ಸೌತ್​ ಆಸ್ಟ್ರೇಲಿಯಾದ ಸೈಕ್ಲಿಸ್ಟ್ ಅನ್ನಾ ಹೊಸ್ಲರ್​ ನೀರು ಕುಡಿಸಿ ಮಾನವೀಯತೆ ಮೆರೆದರು. ಅನ್ನಾ ಹೂಸ್ಲರ್​ ತಮ್ಮ ಸ್ನೇಹಿತರೊಂದಿಗೆ ಅಡಿಲೇಡ್​ ಹೊರವಲಯದಲ್ಲಿ ಸ್ನೇಹಿತರೊಂದಿಗೆ (27 ಡಿಸೆಂಬರ್) ಸೈಕ್ಲಿಂಗ್​ಗೆ ತೆರಳಿದ್ದರು. ಈ ವೇಳೆ ಬಾಯಾರಿಕೆಯಿಂದ ಕೋಲಾ ಪ್ರಾಣಿ ನರಳುತ್ತಿದ್ದು, ಹೂಸ್ಲರ್ ಸೈಕಲ್​ ಬಳಿ ಕೋಲಾ ಪ್ರಾಣಿ ಓಡಿ ಬಂದಿದೆ. ಇದನ್ನರಿತ ಹೂಸ್ಲರ್​ ಕೋಲಾ​ಗೆ ನೀರು ಕುಡಿಸಿ ಮಾನವೀಯತೆ ಮೆರೆದರು. ಇನ್ನು ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಹೂಸ್ಲರ್​ ಕಾರ್ಯಕ್ಕೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇನ್ನು ಆಸ್ಟ್ರೇಲಿಯಾದಲ್ಲಿ ಕಾಳ್ಗಿಚ್ಚು ಹೆಚ್ಚಾಗಿದ್ದು, ಅನೇಕ ಪ್ರಾಣಿಗಳು ನೀರಿನ ದಾಹದಿಂದ ನರಕ ಅನುಭವಿಸುತ್ತಿವೆ.