ನಿಂಬೆ ಪಾನಕ ಅಂಗಡಿ ನಡೆಸಿ ಮೆದುಳಿನ ಶಸ್ತ್ರಚಿಕಿತ್ಸೆಗೆ ಹಣ ಸಂಗ್ರಹಿಸುತ್ತಿರುವ ಬಾಲಕಿ!

ಅಲಬಾಮಾ(ಯುಎಸ್​​): ನಿಂಬೆ ಪಾನಕ ಅಂಗಡಿ ನಡೆಸುವ ಮೂಲಕ 7 ವರ್ಷದ ಬಾಲಕಿಯೊಬ್ಬಳು ಸ್ವತಃ ತನ್ನ ಮೆದುಳಿನ ಶಸ್ತ್ರಚಿಕಿತ್ಸೆಗೋಸ್ಕರ ಹಣ ಸಂಗ್ರಹಿಸುತ್ತಿದ್ದಾಳೆ. ಮೆದುಳಿನ ಸ್ಕ್ಯಾನ್​​ಗೊಳಗಾದ ಬಳಿಕ ಆಕೆಗೆ ಶಸ್ತ್ರಚಿಕಿತ್ಸೆ ಅವಶ್ಯಕತೆ ಇದೆ ಎಂಬ ವಿಚಾರ ಗೊತ್ತಾಗಿತ್ತು. ಇದೀಗ ಆಕೆ ಸ್ವತ: ಶಸ್ತ್ರಚಿಕಿತ್ಸೆ ಮಾಡಿಸಿಕೊಳ್ಳಲು ಹಣ ಸಂಗ್ರಹ ಮಾಡುತ್ತಿದ್ದಾಳೆ. ಅದಕ್ಕೋಸ್ಕರ ನಿಂಬೆ ಪಾನಕ ಅಂಗಡಿಯನ್ನು ತೆರೆದಿದ್ದು, ಇಲ್ಲಿಯವರೆಗೆ ಪಾನಕ ಮಾರಾಟ ಮಾಡಿ 12,000 ಡಾಲರ್ ಹಣ ಸಂಗ್ರಹಿಸಿದ್ದಾಳೆ. ಆನ್​ಲೈನ್ ನಿಧಿ ಸಂಗ್ರಹದ ಮೂಲಕ ಸಹ 290,000 ಡಾಲರ್‌ ಜಮಾವಣೆಗೊಂಡಿದೆ ಎಂದು ಬಾಲಕಿಯ ತಾಯಿ ಎಲಿಜಬೆತ್ ಹೇಳುತ್ತಾರೆ.