ಶಾಪಿಂಗ್​ ಮಾಡಲು ಸೂಪರ್​ ಮಾರ್ಕೆಟ್​ಗೆ ಲಗ್ಗೆ ಹಾಕಿದ ಉಡ.. ದೈತ್ಯ ಪ್ರಾಣಿ ನೋಡಿ ಬೆಚ್ಚಿಬಿದ್ದ ಗ್ರಾಹಕರು!

ಬ್ಯಾಂಕಾಕ್​: ಶಾಪಿಂಗ್​ ಮಾಲ್​ಗೆ ದಿಢೀರ್​ ಆಗಿ ಲಗ್ಗೆ ಹಾಕಿರುವ ಬೃಹತ್​ ಗಾತ್ರದ ಉಡವೊಂದು ಕೆಲಹೊತ್ತು ಅಲ್ಲಿನ ಜನರಲ್ಲಿ ಆತಂಕ ಸೃಷ್ಟಿ ಮಾಡಿರುವ ಘಟನೆ ನಡೆದಿದ್ದು, ಇದರ ವಿಡಿಯೋ ಇದೀಗ ವೈರಲ್​ ಆಗಿದೆ. ಥಾಯ್ಲೆಂಡ್​​​​​ನಲ್ಲಿ ಈ ಘಟನೆ ನಡೆದಿದ್ದ ಸೂಪರ್​ ಮಾರ್ಕೆಟ್​ಗೆ ಲಗ್ಗೆ ಹಾಕಿರುವ ದೈತ್ಯ ಗಾತ್ರದ ಉಡವೊಂದು ಸರಸರನೇ ರಾಕ್​ಗಳ ಮೇಲೆ ಓಡಾಡಿರುವ ಕಾರಣ ಕೆಲ ವಸ್ತುಗಳು ಚೆಲ್ಲಾಪಿಲ್ಲಿಯಾಗಿವೆ. ಈ ಘಟನೆ ಯಾವಾಗ ನಡೆದಿದೆ ಎಂಬುದರ ಬಗ್ಗೆ ಖಚಿತ ಮಾಹಿತಿ ಲಭ್ಯವಾಗಿಲ್ಲ. ಆದರೆ, ವಿಡಿಯೋ ಮಾತ್ರ ಇದೀಗ ಸಖತ್​​ ಆಗಿ ಹರಿದಾಡ್ತಿದೆ. ಸ್ಥಳಕ್ಕಾಗಮಿಸಿದ ಪ್ರಾಣಿ ಸಂಗ್ರಹಾಲಯದ ಸಿಬ್ಬಂದಿ ಅದನ್ನ ಸೆರೆ ಹಿಡಿದು ಅರಣ್ಯದಲ್ಲಿ ಬಿಟ್ಟು ಬಂದಿದ್ದಾರೆ.