ಮೆಟ್​​ಗಾಲಾ ಸ್ಪರ್ಧೆಯಲ್ಲಿ ಅಗ್ರಸ್ಥಾನ ಪಡೆದ ಇಮಾನ್

ನ್ಯೂಯಾರ್ಕ್‌ನಲ್ಲಿ ನಡೆದ ಪ್ರತಿಷ್ಠಿತ ಫ್ಯಾಶನ್ ಶೋ ಮೆಟ್​ಗಾಲಾದಲ್ಲಿ ವಿಭಿನ್ನ ಉಡುಗೆಯಲ್ಲಿ ರೂಪದರ್ಶಿಯರು ಕಾಣಿಸಿಕೊಂಡು ಎಲ್ಲರನ್ನು ಬೆರಗುಗೊಳಿಸಿದ್ದಾರೆ. ಮೆಟ್​ಗಾಲಾ ಎನ್ನುವುದು ಪ್ರತಿವರ್ಷ ನಡೆಯುವ ಫ್ಯಾಷನ್ ಇವೆಂಟ್. ಸಂಗೀತ, ಸಿನಿಮಾ ಸೇರಿದಂತೆ ಹಲವು ಕ್ಷೇತ್ರಗಳ ಖ್ಯಾತನಾಮರು ಮೆಟ್​ಗಾಲಾ ಇವೆಂಟ್​​ನಲ್ಲಿ ಪಾಲ್ಗೊಳ್ಳುತ್ತಾರೆ. ನ್ಯೂಯಾರ್ಕ್​ನ ಮೆಟ್ರೋಪಾಲಿಟನ್​​​ ಮ್ಯೂಸಿಯಂ ಆಫ್​ ಆರ್ಟ್​ನಲ್ಲಿ ಪ್ರತಿವರ್ಷ ಆಯೋಜನೆ ಮಾಡಲಾಗುತ್ತದೆ. ಮೆಟ್​​ನಲ್ಲಿ ಫ್ಯಾಷನ್​ ಕಲೆಕ್ಷನ್​ಗಾಗಿ ನಿಧಿ ಸಂಗ್ರಹಣೆಗಾಗಿ ಇವೆಂಟ್ ಆಯೋಜಿಸಲಾಗುತ್ತಿದ್ದು, ಪ್ರತಿವರ್ಷವೂ ವಿಭಿನ್ನ ಥೀಮ್ ನೀಡಲಾಗುತ್ತದೆ. 'ಅಮೆರಿಕನ್​ ಇಂಡಿಪೆಂಡೆನ್ಸ್​​' ಈ ಬಾರಿಯ ಡ್ರೆಸ್​ ಕೊಡ್​. ಇಮಾನ್ ( ನಟಿ ) ಎನ್ನುವಾಕೆ ತನ್ನ ವಿಭಿನ್ನ ಮಾದರಿಯ ಉಡುಗೆಯ ಮೂಲಕ ಅಗ್ರಸ್ಥಾನ ಪಡೆದಿದ್ದಾರೆ. ಅಗಾಧವಾದ ಚಿನ್ನದ ಶಿರಸ್ತ್ರಾಣದೊಂದಿಗೆ ಕಂಗೊಳಿಸುವ ಉಡುಪು ಧರಿಸಿ ಬೆರಗುಗೊಳಿಸಿದ್ದಾರೆ.