ವೈನ್ ಬಾಟಲ್ ಮುಟ್ಟಲು ನಿರಾಕರಿಸಿದ ನಟ ಪ್ರಭುದೇವ್​..

ಮೈಸೂರು: ನಗರದ ಸಂದೇಶ್ ದಿ ಪ್ರಿನ್ಸ್ ಹೋಟೆಲ್​ನಲ್ಲಿ ಕ್ರಿಸ್​ಮಸ್ ನಿಮಿತ್ತ ಕೇಕ್​ ಮಿಕ್ಸಿಂಗ್​ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ದಕ್ಷಿಣ ಭಾರತದ ಪ್ರಸಿದ್ಧ ನಟ ಪ್ರಭುದೇವ್, ಕೇಕ್ ಮಿಕ್ಸಿಂಗ್ ಸಂದರ್ಭದಲ್ಲಿ ವೈನ್ ಬಾಟಲ್ ಮುಟ್ಟಲು ನಿರಾಕರಿಸಿದರು. ಕ್ರಿಸ್​ಮಸ್ ನಿಮಿತ್ತ ಕಳೆದ 25 ವರ್ಷಗಳಿಂದ ಹೋಟೆಲ್​ನಲ್ಲಿ ಕೇಕ್ ಮಿಕ್ಸಿಂಗ್ ಕಾರ್ಯಕ್ರಮವನ್ನು ಪ್ರಸಿದ್ಧ ನಟರಿಂದ ಮಾಡಿಸಿಕೊಂಡು ಬರುತ್ತಿದ್ದು, ಈ ಬಾರಿ ಕೇಕ್ ಮಿಕ್ಸಿಂಗ್​ಗೆ ನಟ ಪ್ರಭುದೇವ ಆಗಮಿಸಿದ್ದು, ಕೇಕ್ ಮಿಕ್ಸಿಂಗ್ ಸಂದರ್ಭದಲ್ಲಿ ಹಣ್ಣುಗಳು, ಡ್ರೈ ಫ್ರೂಟ್ಸ್ ಸೇರಿದಂತೆ ವೈನ್​ ಸಹ ಹಾಕಿ ಮಿಕ್ಸ್ ಮಾಡಲಾಗುತ್ತದೆ. ಈ ವೇಳೆ ಕೇಕ್​ಗೆ ವೈನ್ ಹಾಕುವಂತೆ ಪ್ರಭುದೇವ್​ಗೆ ವೈನ್​ ಬಾಟಲನ್ನು ನೀಡಲು ಮುಂದಾದಾಗ, ನಾನು ವೈನ್ ಬಾಟಲ್ ಮುಟ್ಟುವುದಿಲ್ಲ ಎಂದು ನಟ ತಿರಸ್ಕರಿಸಿದರು.