ಹೃತಿಕ್ ರೋಷನ್ ಮತ್ತು ವಿಕ್ಕಿ ಕೌಶಲ್​ಗೆ ಬೌನ್ಸರ್ ಆಗಲು ಇಷ್ಟಪಡುವೆ: ತಮನ್ನಾ ಭಾಟಿಯಾ ಮನದ ಮಾತು

ತಮನ್ನಾ ಭಾಟಿಯಾ ನಟನೆ ಮತ್ತು ಮಧುರ್ ಭಂಡಾರ್ಕರ್ ನಿರ್ದೇಶನದ ಬಬ್ಲಿ ಬೌನ್ಸರ್ ಚಿತ್ರದ ಟ್ರೈಲರ್ ಬಿಡುಗಡೆಯಾಗಿದೆ. ಸೋಮವಾರ ಮುಂಬೈನಲ್ಲಿ ಚಿತ್ರದ ಟ್ರೈಲರ್ ಅನ್ನು ಡಿಸ್ನಿಪ್ಲಸ್ ಹಾಟ್‌ಸ್ಟಾರ್‌ನ ಯುಟ್ಯೂಬ್ ಚಾನೆಲ್‌ನಲ್ಲಿ ಅಪ್ಲೋಡ್​ ಮಾಡಲಾಗಿದೆ. ಸಾಹಸ ಮತ್ತು ಫ್ಯಾಮಿಲಿ ಎಂಟರ್ಟೈನರ್ ಚಿತ್ರ ಇದಾಗಿದ್ದು, ಜನಪ್ರಿಯ ಯುವ ಐಕಾನ್ ತಮನ್ನಾ ಅವರು ಲೇಡಿ ಬೌನ್ಸರ್ ಆಗಿ ನಟಿಸಿದ್ದಾರೆ. ಇದೀಗ ಟ್ರೈಲರ್ ಅನಾವರಣಗಗೊಂಡಿದ್ದು, ಬಾಹುಬಲಿ ನಟಿಯ ಹೊಸ ಅವತಾರಕ್ಕೆ ನೆಟಿಜನ್ಸ್​ ಫಿದಾ ಆಗಿದ್ದಾರೆ. ಲಾಂಚಿಂಗ್​ ಈವೆಂಟ್‌ನಲ್ಲಿ ತಮನ್ನಾ ಅವರು ಬಾಲಿವುಡ್ ಹ್ಯಾಂಡ್‌ಸಮ್ ಹಂಕ್‌ಗಳಾದ ಹೃತಿಕ್ ರೋಷನ್ ಮತ್ತು ವಿಕ್ಕಿ ಕೌಶಲ್‌ಗೆ ಬೌನ್ಸರ್ ಆಗಲು ಬಯಸುವುದಾಗಿ ಹೇಳಿಕೊಂಡರು.