ತಿರುಮಲ ಶ್ರೀ ವೆಂಕಟೇಶ್ವರನ ದರ್ಶನ ಪಡೆದ ನಟಿ ದೀಪಿಕಾ ಪಡುಕೋಣೆ - ವಿಡಿಯೋ

ತಿರುಮಲ (ಆಂಧ್ರ ಪ್ರದೇಶ): ಪ್ರಸಿದ್ಧ ಪುಣ್ಯಕ್ಷೇತ್ರ ತಿರುಮಲಕ್ಕೆ ಭಕ್ತರ ದಂಡೇ ಹರಿದು ಬರುತ್ತಿದೆ. ಇಂದು ಸಂಜೆ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಕೂಡ ತಿರುಮಲಕ್ಕೆ ಆಗಮಿಸಿ ವೆಂಕಟೇಶ್ವರನಿಗೆ ಪೂಜೆ ಸಲ್ಲಿಸಿದ್ದಾರೆ. ಈ ವೇಳೆ, ಅವರ ಸಹೋದರಿ ಮತ್ತು ಗಾಲ್ಫ್​ ಆಟಗಾರ್ತಿ ಅನಿಶಾ ಪಡುಕೋಣೆ ಕೂಡ ಜೊತೆಗಿದ್ದರು. ದೀಪಿಕಾ ಪಡುಕೋಣೆ ದೇವಾಲಯದ ಭೇಟಿಗಾಗಿ ಬ್ಲ್ಯಾಕ್​ ದಿರಿಸನ್ನು ಆಯ್ದುಕೊಂಡಿದ್ದರು. ದೇವಸ್ಥಾನದಲ್ಲಿ ನಟಿಗಾಗಿ ಬಿಗಿ ಭದ್ರತೆ  ಕೂಡ ಏರ್ಪಡಿಸಲಾಗಿತ್ತು.

ದೀಪಿಕಾ ಪಡುಕೋಣೆ ಸಿನಿಮಾ ವಿಚಾರವಾಗಿ ನೋಡುವುದಾದರೆ, ಹೃತಿಕ್ ರೋಷನ್ ಜೊತೆ ಫೈಟರ್​ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇತ್ತೀಚೆಗೆ, ನಟಿಯ ಕ್ಯಾರೆಕ್ಟರ್​​ ಪೋಸ್ಟರ್ ಅನಾವರಣಗೊಂಡಿತ್ತು. ಮುಂದಿನ ಜನವರಿ 25ರಂದು ತೆರೆಕಾಣಲು ಸಜ್ಜಾಗುತ್ತಿರುವ ಫೈಟರ್​ ಸಿನಿಮಾ ಮೇಲೆ ಅಭಿಮಾನಿಗಳು ಸಾಕಷ್ಟು ನಿರೀಕ್ಷೆಗಳನ್ನಿಟ್ಟುಕೊಂಡಿದ್ದಾರೆ. ಈ ಸಾಲಿನಲ್ಲಿ ಬಿಡುಗಡೆ ಆಗಿರುವ ನಟಿಯ ಪಠಾಣ್​ ಮತ್ತು ಜವಾನ್ ಸಿನಿಮಾಗಳು​ ಚಿತ್ರಮಂದಿರಗಳಲ್ಲಿ ಧೂಳೆಬ್ಬಿಸಿವೆ. ಹಾಗಾಗಿ ನಟಿಯ ಮುಂದಿನ ಚಿತ್ರಗಳ ಬಗ್ಗೆ ಸಿನಿಪ್ರಿಯರು ಕುತೂಹಲ ಹೊಂದಿದ್ದಾರೆ. ಇನ್ನೂ ಪ್ರಭಾಸ್​ ಜೊತೆಗಿನ ಕಲ್ಕಿ 2898 AD ಸೆಟ್​ನಲ್ಲಿದೆ.

ಇದನ್ನೂ ಓದಿ: 'ಫೈಟರ್' ಟೀಸರ್​: ಮೈನವಿರೇಳಿಸುವ ವೈಮಾನಿಕ ದೃಶ್ಯಗಳೊಂದಿಗೆ ಬಂದ ಹೃತಿಕ್, ದೀಪಿಕಾ