ಬಿಬಿಎಂಪಿ ಮೇಯರ್​​ ಚುನಾವಣೆ: ಬಿಎಸ್​ವೈ-ನಳಿನ್​​ ಕುಮಾರ್​​ ಕಟೀಲ್​​ ನಡುವೆ ಸಮನ್ವಯ ಕೊರತೆ?

ಬೆಂಗಳೂರು: ಬಿಬಿಎಂಪಿ ಮೇಯರ್ ಚುನಾವಣೆಗೆ ಅಭ್ಯರ್ಥಿ ಆಯ್ಕೆ ಮಾಡಲು ಮುಖ್ಯಮಂತ್ರಿ ಬಿ.ಎಸ್‌.ಯಡಿಯೂರಪ್ಪನವರು ಶಾಸಕ ರಘು ನೇತೃತ್ವದ ಸಮಿತಿ ರಚನೆ ಮಾಡಿದ್ದರೆ. ಆದರೆ ಯಾವುದೇ ಸಮಿತಿ ರಚನೆ ಮಾಡಿಲ್ಲ ಎಂದು ಬಿಜೆಪಿ ಪಕ್ಷದ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಹೇಳಿದ್ದಾರೆ. ಹಾಗೂ ಈಗಾಗಲೇ ಸಮಿತಿ ಸಹ ವರದಿ ನೀಡಿದ್ದು, ಪಕ್ಷದಲ್ಲಿ ಸಮನ್ವಯತೆ ಇಲ್ಲವಾ ಎನ್ನುವ ಅನುಮಾನವನ್ನು ಹುಟ್ಟುಹಾಕಿದೆ. ಜೊತೆಗೆ ಸಿಎಂ ಮತ್ತು ಕಟೀಲ್ ಪರಸ್ಪರ ವಿರುದ್ಧವಿದ್ದಾರಾ ಎನ್ನುವ ಅಭಿಪ್ರಾಯ ಸಾರ್ವಜನಿಕ ವಲಯದಲ್ಲಿ ವ್ಯಕ್ತವಾಗುತ್ತಿದೆ.