ಉಳ್ಳಾಲ ಮೀನುಗಾರರ ಬಲೆಗೆ ಬಿತ್ತು ಬೃಹತ್ ಮಡಲ್ ಮೀನು!

ಉಳ್ಳಾಲ: ಇಲ್ಲಿನ ಮೊಗವೀರಪಟ್ಟಣದ ಮೀನುಗಾರರ ಬಲೆಗೆ ಬೃಹತ್ ಗಾತ್ರದ ಮಡಲ್ ಮೀನು ಬಿದ್ದಿದೆ. ಆಳಸಮುದ್ರ ಮೀನುಗಾರಿಕೆಗೆ ತೆರಳಿದ್ದ ಅಶ್ವಿನ್ ಪುತ್ರನ್ ಎಂಬುವರ ಮಾಲೀಕತ್ವದ ಹಂಷ್ ಹೆಸರಿನ ಬೋಟ್​​ ಮೀನುಗಾರರ ಬಲೆಗೆ ಈ ಮಡಲ್​ ಮೀನು ಬಿದ್ದಿದೆ. ತುಳುಭಾಷೆಯಲ್ಲಿ ತೆಂಗಿನ ಗರಿಯನ್ನು ಮಡಲ್ ಎಂದು ಕರೆಯಲಾಗುತ್ತದೆ. ಬಲೆಗೆ ಬಿದ್ದ ಮೀನನ್ನು ಮೇಲಕ್ಕೆತ್ತುತ್ತಿರುವ ವಿಡಿಯೋವನ್ನು ಮೀನುಗಾರರೊಬ್ಬರು ಸೆರೆಹಿಡಿದು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದ್ದು, ಸಖತ್​ ವೈರಲ್​ ಆಗಿದೆ.