ಕಾಶಿಯಲ್ಲಿ ಗಾನಕೋಗಿಲೆ ಲತಾ ಮಂಗೇಶ್ಕರ್​ಗೆ ದೀಪ ನಮನ

ಕಾಶಿ: ಗಾನಕೋಗಿಲೆ ಲತಾ ಮಂಗೇಶ್ಕರ್ ಅವರ ನಿಧನದಿಂದ ಇಡೀ ದೇಶವೇ ದುಃಖದಲ್ಲಿ ಮುಳುಗಿದೆ. ಈ ಹಿನ್ನೆಲೆ ದೇಶದಲ್ಲಿ ಎರಡು ದಿನ ಶೋಕಾಚರಣೆ ಕೂಡ ಘೋಷಣೆ ಮಾಡಲಾಗಿದೆ. ಈ ಸಂದರ್ಭದಲ್ಲಿ ಧರ್ಮ, ಆಧ್ಯಾತ್ಮದ ನಗರಿ ಕಾಶಿಯಲ್ಲಿ ನಿನ್ನೆ ಸಂಜೆ ದಶಾಶ್ವಮೇಧ ಘಾಟ್‌ನಲ್ಲಿ ನಡೆದ ಆರತಿಯಲ್ಲಿ ಮಂಗೇಶ್ಕರ್ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಲಾಯಿತು. ಗಂಗಾ ಸೇವಾ ನಿಧಿ ಆಯೋಜಿಸಿದ್ದ ಆರತಿಯನ್ನು ಲತಾ ಮಂಗೇಶ್ಕರ್​ಗೆ ಅರ್ಪಿಸಲಾಯಿತು. ಮೋಕ್ಷದ ತಾಯಿಯಾದ ಗಂಗಾಮಾತೆಯ ದಡದಲ್ಲಿ ದೀಪಗಳೊಂದಿಗೆ ಗಾನ ಕೋಗಿಲೆಗೆ ದೀಪಾಂಜಲಿ ಸಲ್ಲಿಸಲಾಯಿತು. ಅವರ ಮುಖವನ್ನು ಹೋಲುವ ಹಾಗೆ ದೀಪಗಳಿಂದ ಅಲಂಕಾರ ಮಾಡಿದ್ದು ಮಾತ್ರ ವಿಶೇಷವಾಗಿತ್ತು.