ಬ್ರೇಕ್​ ಫೇಲ್​ ಆದ ಲಾರಿಗೆ ಸಿಲುಕಿ ಬಾಲಕ ಸಾವು: ಸಿಸಿಟಿವಿ ವಿಡಿಯೋ

ಚೆನ್ನೈ: ಇಲ್ಲಿನ ಪಟ್ಟಿನಾಪಕ್ಕಂ ಎಸ್‌ಸಿಬಿ ರಸ್ತೆ ಸಿಗ್ನಲ್‌ನಲ್ಲಿ ನಿಂತಿದ್ದ ದ್ವಿಚಕ್ರ ವಾಹನಗಳಿಗೆ ವಾಟರ್ ಟ್ರಕ್ ಡಿಕ್ಕಿ ಹೊಡೆದ ಪರಿಣಾಮ 4 ವರ್ಷದ ಬಾಲಕ ಸಾವನ್ನಪ್ಪಿದ್ದು, ಮೂವರು ಗಾಯಗೊಂಡಿದ್ದಾರೆ. ಲಾರಿ ಬ್ರೇಕ್​ ಫೇಲ್​ ಆದ ಕಾರಣ ಘಟನೆ ಸಂಭವಿಸಿದೆ. ಸಾವನ್ನಪ್ಪಿದ ಬಾಲಕ ರಾಜೇಶ್​ ಪ್ರಸಾದ್ ಅವರ ಮಗ ಪ್ರಣೀಶ್ ಎಂದು ತಿಳಿದುಬಂದಿದೆ. ಸದ್ಯ ಲಾರಿ ಚಾಲಕ ಸಮೀರ್ (24) ನನ್ನು ಪೊಲೀಸರು ಬಂಧಿಸಿದ್ದು, ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ. ಘಟನೆಯ ದೃಶ್ಯಾವಳಿಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದೆ.