ವಾಶ್​ರೂಂಗೆ ಹೋದ ಕ್ಯಾಷಿಯರ್​, 20 ಲಕ್ಷ ರೂ. ಎಗರಿಸಿದ ಬಾಲಕ.. ವಿಡಿಯೋ ನೋಡಿ!!

ಜಿಂದ್​ (ಹರಿಯಾಣ): ಬ್ಯಾಂಕ್​ ಕ್ಯಾಷಿಯರ್ ತನ್ನ ಜಾಗದಿಂದ ಎದ್ದು ವಾಶ್​ರೂಂಗೆ ಹೋಗುತ್ತಿದ್ದಂತೆಯೇ ಅಲ್ಲಿದ್ದ 10 ವರ್ಷದ ಬಾಲಕನೋರ್ವ 20 ಲಕ್ಷ ರೂ. ನಗದನ್ನು ಕದ್ದು ಪರಾರಿಯಾಗಿದ್ದಾನೆ. ಹರಿಯಾಣದ ಜಿಂದ್ ಜಿಲ್ಲೆಯಲ್ಲಿರುವ ಪಂಜಾಬ್​ ನ್ಯಾಷನಲ್​ ಬ್ಯಾಂಕ್​ನಲ್ಲಿ ಘಟನೆ ನಡೆದಿದೆ. ಬ್ಯಾಂಕ್​ ಸಿಬ್ಬಂದಿ ಹಣವನ್ನು ಎಣಿಸುವ ವೇಳೆ ವ್ಯತ್ಯಾಸ ಕಂಡುಬಂದಿದ್ದು, ಸಿಸಿಟಿವಿ ದೃಶ್ಯಾವಳಿಯನ್ನು ಗಮನಿಸಿದಾಗ ಕೃತ್ಯ ಬಯಲಿಗೆ ಬಂದಿದೆ. ಬಾಲಕನ ಪಕ್ಕ ಕುಳಿತಿದ್ದ ವ್ಯಕ್ತಿಯೋರ್ವ ಬಾಲಕನಿಗೆ ಹಣ ತೆಗೆದುಕೊಂದು ಬರುವಂತೆ ಸೂಚನೆ ನೀಡಿರುವುದು ಕೂಡ ಸಿಸಿಟಿವಿ ವಿಡಿಯೋದಲ್ಲಿ ಕಂಡುಬರುತ್ತದೆ.