ಕಡಲೆಕಾಯಿ ಎಸೆದು ದೇವರಿಗೆ ಪೂಜೆ ಸಲ್ಲಿಸುವ ಭಕ್ತರು: ಹೀಗೊಂದು ವಿಶೇಷ ಹಬ್ಬ

ಕೃಷ್ಣಗಿರಿ: ಹೊಸ ವರ್ಷಾಚರಣೆ ಹಿನ್ನೆಲೆಯಲ್ಲಿ ತಮಿಳುನಾಡಿನ ಹೊಸೂರು ರಾಜಗಣಪತಿ ನಗರದ ಆಂಜನೇಯ ದೇವಾಲಯದಲ್ಲಿ ಸಾಂಪ್ರದಾಯಿಕ 63 ನೇ ವರ್ಷದ ಕಡಲೆಕಾಯಿ ಹಬ್ಬ ನಡೆಯಿತು. ಪ್ರತಿವರ್ಷ ಈ ಹಬ್ಬವನ್ನು ಆಚರಿಸಿಕೊಂಡು ಬರಲಾಗುತ್ತಿದೆ. ಇಲ್ಲಿಗೆ ಬರುವ ಭಕ್ತರು ದೇವರ ಮೇಲೆ ಕಡಲೆಕಾಯಿಗಳನ್ನು ಎಸೆದು ತಮ್ಮ ಬೇಡಿಕೆಗಳ ಈಡೇರಿಕೆಗೆ ಪ್ರಾರ್ಥಿಸುತ್ತಾರೆ. ಇಲ್ಲಿ ಬಿದ್ದಂತಹ ಕಡಲೆ ಬೀಜಗಳನ್ನು ಬಳಿಕ ಪ್ರಸಾದವಾಗಿ ನೀಡಲಾಗುತ್ತದೆ. ಇಲ್ಲಿ ನಡೆಯುವ ವಿಶೇಷ ಸಾಂಪ್ರದಾಯಿಕ ಪೂಜೆಗಳು ತಮಿಳುನಾಡಿನ ಬೇರೆಲ್ಲೂ ಕಾಣ ಸಿಗುವುದಿಲ್ಲ.