ಮೋಡಗಳಿಗೇ ಪೈಪ್​​​ಲೈನ್​​ ವಿಡಿಯೋ ವೈರಲ್​!

ಒಡಿಶಾದ ಚಿಲಿಕಾ ಸರೋವರದಲ್ಲಿ ಆಕಸ್ಮಿಕವಾಗಿ ಸುಂಟರಗಾಳಿ ಕಾಣಿಸಿಕೊಂಡಿದ್ದು, ಮೋಡ ಮತ್ತು ಭೂಮಿ ಒಂದಾದಂತಿತ್ತು. ಸರೋವರದ ನೀರನ್ನು ಮೋಡಗಳು ಹೀರುತ್ತಿದ್ದ ದೃಶ್ಯ ಕಂಡು ಬಂದಿದೆ. ಮೋಡಗಳು ಸ್ಟ್ರಾ ಹಾಕಿಕೊಂಡು ನೀರು ಕುಡಿಯುತ್ತಿರುವಂತಿರುವ ದೃಶ್ಯವನ್ನು ಸ್ಥಳೀಯರು ತಮ್ಮ ಮೊಬೈಲ್​ನಲ್ಲಿ ಸೆರೆ ಹಿಡಿದಿದ್ದಾರೆ. ಸುಮಾರು 15 ನಿಮಿಷಗಳ ಕಾಲ ಪ್ರಕೃತಿಯಲ್ಲಿ ಈ ದೃಶ್ಯ ಗೋಚರಿಸಿದೆ. ಈ ದೃಶ್ಯದಿಂದ ಸರೋವರವನ್ನು ನೋಡಲು ಬಂದ ಪ್ರವಾಸಿಗರು ಮತ್ತು ಸ್ಥಳೀಯರು ಕೊಂಚ ಭಯಭೀತರಾಗಿದ್ದಂತೂ ಸುಳ್ಳಲ್ಲ.