ಗ್ರಾಮಕ್ಕೆ ನುಗ್ಗಿ ವ್ಯಕ್ತಿ ಮೇಲೆ ಟೈಗರ್​ ಅಟ್ಯಾಕ್... ಬೆಚ್ಚಿಬೀಳಿಸುವಂತಿದೆ ವ್ಯಾಘ್ರನ ದಾಳಿ

ಎದೆ ನಡುಗಿಸುವ ಘಟನೆಯೊಂದು ಮಹಾರಾಷ್ಟ್ರದ ಭಂಡಾರ ಜಿಲ್ಲೆಯಲ್ಲಿ ನಡೆದಿದೆ. ಇಲ್ಲಿನ ತುಮಸರ್​ ತಾಲೂಕಿನ ಬಿನಾಕಿ ಗ್ರಾಮಕ್ಕೆ ಶನಿವಾರ ಮಧ್ಯಾಹ್ನ ಹುಲಿಯೊಂದು ನುಗ್ಗಿತ್ತು. ಗ್ರಾಮಸ್ಥರು ಹುಲಿಯನ್ನು ಕಂಡು ಭಯಭೀತರಾಗಿದ್ದರು. ಅದನ್ನು ಕಾಡಿಗೆ ಓಡಿಸುವ ವೇಳೆ ವ್ಯಕ್ತಿವೋರ್ವ ವ್ಯಾಘ್ರನ ಕೈಗೆ ಸಿಲುಕಿದ್ದ. ಈ ವೇಳೆ ಗ್ರಾಮಸ್ಥರು ಹುಲಿಯ ಬಾಯಿಯಿಂದ ವ್ಯಕ್ತಿಯನ್ನು ಕಾಪಾಡಿದ್ದಾರೆ. ಈ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗ್ತಿದೆ. ಮೂವರನ್ನು ಗಾಯಗೊಳಿಸಿರುವ ಹುಲಿ ಗ್ರಾಮದ ಸುತ್ತಮುತ್ತ ಓಡಾಡುತ್ತಿದ್ದು, ಸ್ಥಳೀಯರಲ್ಲಿ ಆತಂಕ ಮೂಡಿಸಿದೆ. ಹುಲಿ ಸೆರೆಹಿಡಿಯಲು ಅರಣ್ಯ ಇಲಾಖೆ ಅಧಿಕಾರಿಗಳು ಹರಸಾಹಸ ನಡೆಸುತ್ತಿದ್ದಾರೆ.