ಬಹುಮಹಡಿ ಕಟ್ಟಡದಿಂದ ಬಿದ್ದ ಕಂದ... ಆ ಬಾಲಕನ ಅದೃಷ್ಟಕ್ಕೆ ಜವರಾಯನೇ ಬೆರಗಾದ!

ಆ ಪುಟ್ಟ ಬಾಲಕ ವಿಧಿಗೆ ಸವಾಲು ಹಾಕಿ, ಸಾವನ್ನೇ ಗೆದ್ದು ಬಂದಿದ್ದಾನೆ. ಆ ಮಗುವಿನ ಅದೃಷ್ಟಕ್ಕೆ ಯಮನೂ ಸಹಿತ ಬೆರಗಾಗಿದ್ದಾನೆ. ಹೌದು, ಮಧ್ಯಪ್ರದೇಶದ ಟಿಕಮ್​ಗಢ್​ ಪಟ್ಟಣದ ಮನೆಯೊಂದಲ್ಲಿ ಸಹೋದರನ ಜೊತೆ ಆಟವಾಡುತ್ತಿದ್ದ ಮೂರು ವರ್ಷದ ಬಾಲಕ ಎರಡನೇ ಅಂತಸ್ತಿನ ಕಟ್ಟಡದಿಂದ ಕೆಳಗೆ ಬಿದ್ದಿದ್ದ. ಆದ್ರೆ ಅದೇ ಸಮಯಕ್ಕೆ ದೇವರೇ ಕಳುಹಿಸಿಕೊಟ್ಟಂತೆ ಮೂರು ಗಾಲಿಯ ಸೈಕಲ್​ ರಿಕ್ಷಾವೊಂದು ಬಂದಿದೆ. ಕಟ್ಟಡದ ಮೇಲಿಂದ ಆ ಮಗು ನೇರ ಸೈಕಲ್ ರಿಕ್ಷಾದ ಹಿಂಬದಿಯ ಸೀಟ್​ನಲ್ಲಿ ಬಿದ್ದಿದೆ. ಆಗ ಬಾಲಕನಿಗೆ ಸಣ್ಣ ಪುಟ್ಟ ಗಾಯವಾಗಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದಾನೆ. ಇನ್ನು ಈ ಘಟನೆ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗ್ತಿದೆ.