ಗಿರ್​ ಸೋಮನಾಥ್​ ನದಿ ದಾಟುತ್ತಿರುವ ಸಿಂಹ ಕುಟುಂಬ: ವಿಡಿಯೋ

ಗಿರ್​ ಸೋಮನಾಥ್​ (ಗುಜರಾತ್​): ಮಳೆಗಾಲದಲ್ಲಿ ತುಂಬಿ ಹರಿಯುವ ಗಿರ್​ ಆರಣ್ಯ ಪ್ರದೇಶದ ಗಿರ್​ ಸೋಮನಾಥ್​ ನದಿ ಮತ್ತು ಅದರ ಆಸುಪಾಸಿನ ಪ್ರಕೃತಿ ಸೌಂದರ್ಯಕ್ಕೆ ಮಾರು ಹೋಗದವರಿಲ್ಲ. ಅಪಾರ ವನ್ಯಮೃಗಗಳು ವಿಶೇಷವಾಗಿ ಸಿಂಹಗಳಿಗೆ ಆವಾಸಸ್ಥಾನವಾಗಿರುವ ಗಿರ್​ ಅರಣ್ಯ ಪ್ರದೇಶ ದೇಶದಲ್ಲೇ ಪ್ರಸಿದ್ದಿ ಪಡೆದಿದೆ. ಇಂತಹ ಪ್ರಕೃತಿ ಸೌಂದರ್ಯದ ನಡುವೆ, ಗಿರ್​ ಸೋಮನಾಥ್​ ನದಿ ದಾಟುತ್ತಿರುವ ಸಿಂಹಗಳ ಕುಟುಂಬವೊಂದು ಪ್ರಕೃತಿ ಪ್ರಿಯರೊಬ್ಬರ ಕ್ಯಾಮರಾದಲ್ಲಿ ಸೆರೆಯಾಗಿದೆ. ತಾಯಿ ಸಿಂಹಿಣಿಯೊಂದಿಗೆ ಮುದ್ದಾದ ಮರಿ ಸಿಂಹ ನದಿ ದಾಟುತ್ತಿರುವ ದೃಶ್ಯ ಆಕರ್ಷಣೀಯವಾಗಿದೆ.