100ರಷ್ಟು ಮತದಾನಕ್ಕಾಗಿ ವಿಶೇಷ ಅಭಿಯಾನ.. ಸ್ಕೇಟಿಂಗ್​​ ರೋಲರ್ ಧರಿಸಿ ಆಟೋ ಎಳೆದ ಬಾಲಕಿ!

ತೂತುಕುಡಿ(ತಮಿಳುನಾಡು): ತಮಿಳುನಾಡಿನ ವಿಧಾನಸಭೆ ಚುನಾವಣೆ ದಿನಾಂಕ ಈಗಾಗಲೇ ಘೋಷಣೆಯಾಗಿದ್ದು, ವಿವಿಧ ಜಾಗೃತಿ ಕಾರ್ಯಕ್ರಮಗಳ ಮೂಲಕ ಮತ ಚಲಾವಣೆ ಮಾಡುವಂತೆ ಅಭಿಯಾನ ನಡೆಸುತ್ತಿದೆ. ಇದರ ಮಧ್ಯೆ ಆರು ವರ್ಷದ ಬಾಲಕಿಯೊಬ್ಬಳು ಸ್ಕೇಟಿಂಗ್​ ರೋಲರ್​ ಧರಿಸಿ ಆಟೋ ಎಳೆದು ಮತ ಚಲಾವಣೆ ಮಾಡುವಂತೆ ಜಾಗೃತಿ ಮೂಡಿಸಿದ್ದಾರೆ. ಕೋವಲ್ಪಟ್ಟಿಯ ಶೆನ್​ಬಾಗವಲ್ಲಿ ಅಮ್ಮನ ದೇವಸ್ಥಾನದ ಬಳಿ ಸ್ಕೇಟಿಂಗ್ ರೋಲರ್​​ ಧರಿಸಿ ಆರು ವರ್ಷದ ಬಾಲಕಿ ರವೀನಾ ಈ ಸಾಧನೆ ಮಾಡಿದ್ದು, 100 ಮೀಟರ್​ ಆಟೋ ಎಳೆದು ಪ್ರತಿಶತ 100ರಷ್ಟು ಮತದಾನಕ್ಕಾಗಿ ಜಾಗೃತಿ ಮೂಡಿಸಿದ್ದಾಳೆ. ಈ ಕಾರ್ಯಕ್ಕೆ ಸ್ಥಳೀಯರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.