ಅಖಿಲ್​ ಗೊಗೊಯ್​ ಮನೆ ಮೇಲೆ ಎನ್​ಐಎ ದಾಳಿ... ನಕ್ಸಲರ ಜೊತೆ ಸಂಪರ್ಕ!?

ರಾಷ್ಟ್ರೀಯ ತನಿಖಾ ಸಂಸ್ಥೆ ಸಾಮಾಜಿಕ ಕಾರ್ಯಕರ್ತ ಅಖಿಲ್​ ಗೊಗೊಯ್​ ನಿವಾಸದ ಮೇಲೆ ಎನ್​​ಐಎ ದಾಳಿ ನಡೆಸಿದೆ . 2019 ರ ಪೌರತ್ವ (ತಿದ್ದುಪಡಿ) ಕಾಯ್ದೆ ವಿರುದ್ಧದ ಪ್ರತಿಭಟನೆ ವೇಳೆ ಅಖಿಲ್​ ಗೊಗೊಯ್​ ಮೇಲೆ ದೂರು ದಾಖಲಾಗಿದ್ದು, ಡಿಸೆಂಬರ್​ 12ರಂದು ಗೊಗೊಯ್​ರನ್ನು ಅಸ್ಸೋಂ ಪೊಲೀಸರು ಬಂಧಿಸಿದ್ದರು. ಪೊಲೀಸ್ ದೂರಿನ ನಂತರ, ಪ್ರಕರಣವನ್ನು  ಪ್ರಧಾನ ತನಿಖಾ ಸಂಸ್ಥೆಗೆ ಹಸ್ತಾಂತರಿಸಲಾಗಿತ್ತು. ಆಗ ನ್ಯಾಯಾಲಯ ಆತನನ್ನು 10 ದಿನಗಳ ಕಾಲ ಎನ್‌ಐಎ ಕಸ್ಟಡಿಗೆ ಕಳುಹಿಸಿತ್ತು. ಅಖಿಲ್​ ಗೊಗೊಯ್​ ನಕ್ಸಲರ್​ ಜೊತೆ ಸಂಪರ್ಕ ಹೊಂದಿದ್ದಾರೆ ಎಂದು ಎನ್​ಐಎ ಅಧಿಕಾರಿಗಳು ಶಂಕಿಸಿದ್ದಾರೆ ಎನ್ನಲಾಗಿದೆ. ಈ ಬಗ್ಗೆ ತನಿಖೆ ಕೂಡಾ ನಡೆಸಲಾಗುತ್ತಿದೆ ಎಂದು ಎನ್​ಐಎ ಮೂಲಗಳಿಂದ ತಿಳಿದು ಬಂದಿದೆ. ಅಖಿಲ್​ ಗೊಗೊಯ್​ ಕೃಷಿಕ ಮುಕ್ತಿ ಸಂಗ್ರಾಮ ಸಮಿತಿ ನಾಯಕರಾಗಿದ್ದಾರೆ.