ಲೋ ಶುಗರ್​ ಕಾಯಿಲೆಯಿಂದ ಬಳಲುತ್ತಿದ್ದ ವೃದ್ಧನಿಗೆ ಸಿಹಿ ನೀಡಿ ಮಾನವೀಯತೆ ಮೆರೆದ ಪೊಲೀಸ್​!

ಲಖನೌ: ಲಾಕ್​ಡೌನ್​ ಸಂದರ್ಭದಲ್ಲಿ ಕೆಲವರು ತಮ್ಮ ಪ್ರಾಣ ಉಳಿಸಿಕೊಳ್ಳಲು ಹರಸಾಹಸ ಪಡುವಂತಹ ಸ್ಥಿತಿ ನಿರ್ಮಾಣಗೊಂಡಿದೆ. ಮನೆಯಿಂದ ಹೊರಬರಲು ಆಗದ ಕಾರಣ 83 ವರ್ಷದ ವ್ಯಕ್ತಿಯೊಬ್ಬ ಲೋ ಶುಗರ್​​ ಕಾಯಿಲೆಯಿಂದ ಬಳಲುತ್ತಿದ್ದನು. ಇತನಿಗೆ ಉತ್ತರಪ್ರದೇಶ ಪೊಲೀಸರು ಸಿಹಿ ನೀಡಿ ಮಾನವೀಯತೆ ಮೆರೆದಿದ್ದಾರೆ. ಈತನ ಇಬ್ಬರು ಮಕ್ಕಳು ಯುಎಸ್​​ನಲ್ಲಿ ವಾಸವಾಗಿದ್ದು, ಮನೆಯಲ್ಲಿ ಈತ ಏಕಾಂಗಿಯಾಗಿ ಜೀವನ ನಡೆಸುತ್ತಿದ್ದು, ದಿಢೀರ್​ ಆಗಿ ತೊಂದರೆಗೆ ಒಳಗಾಗಿದ್ದರು. ಈ ವೇಳೆ ಪೊಲೀಸರು ಆತನಿಗೆ ಸಹಾಯ ಮಾಡಿದ್ದಾರೆ.