ವೈದ್ಯಕೀಯ ಸ್ಟೂಡೆಂಟ್ಸ್ ಸಖತ್​ ಸ್ಟೆಪ್ಸ್​ಗೆ ಕೋಮು ಬಣ್ಣ: ಡ್ಯಾನ್ಸ್ ಮಾಡಿ ಸಾಥ್​ ನೀಡಿದ ವಿದ್ಯಾರ್ಥಿಗಳು!

ತ್ರಿಶೂರ್​(ಕೇರಳ): ಕೇರಳದ ವೈದ್ಯಕೀಯ ಕಾಲೇಜ್​​ವೊಂದರ ಕೆಲ ವಿದ್ಯಾರ್ಥಿಗಳಿಬ್ಬರು ಸಖತ್​​ ಸ್ಟೆಪ್ಸ್​ ಹಾಕಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿತ್ತು. ಆದರೆ ಇದಕ್ಕೆ ಈಗಾಗಲೇ ಕೋಮು ಬಣ್ಣ ಹಚ್ಚಲಾಗಿದೆ. ಇದರ ಮಧ್ಯೆ ಅವರಿಗೆ ಬೆಂಬಲ ಸೂಚಿಸಿರುವ ಅದೇ ಕಾಲೇಜಿನ ವೈದ್ಯಕೀಯ ವಿದ್ಯಾರ್ಥಿಗಳು ಮತ್ತಷ್ಟು ಡ್ಯಾನ್ಸ್​ ಮಾಡಿರುವ ವಿಡಿಯೋ ರಿಲೀಸ್ ಮಾಡಿದ್ದಾರೆ. ನವೀನ್​ ಕೆ. ರಜಾಕ್​ ಹಾಗೂ ಜಾನಕಿ ಓಂ ಕುಮಾರ್​ ವಿದ್ಯಾರ್ಥಿಗಳು ಡ್ಯಾನ್ಸ್ ಮಾಡಿರುವ ವಿಡಿಯೋ ವೈರಲ್​ ಆಗಿತ್ತು. ಇದಕ್ಕೆ ಸಿಕ್ಕಾಪಟ್ಟೆ ಮೆಚ್ಚುಗೆ ವ್ಯಕ್ತವಾಗಿತ್ತು. ಆದರೆ ಕೆಲವರು ಕೋಮು ಬಣ್ಣ ಬಳೆಯುವ ಕೆಲಸ ಮಾಡಿದ್ರು. ಇದೀಗ ವಿದ್ಯಾರ್ಥಿಗಳಿಗೆ ಸಾಥ್ ನೀಡಿ ಅದೇ ಕಾಲೇಜಿನ ಕೆಲ ವಿದ್ಯಾರ್ಥಿಗಳು ಡ್ಯಾನ್ಸ್ ಮಾಡಿದ್ದಾರೆ.