ಮೇಕ್​ ಇನ್​ ಇಂಡಿಯಾ ಬಗ್ಗೆ ನಮಗೆ ಗೌರವವಿದೆ... ಆದ್ರೆ ದೇಶದಲ್ಲಿ ನಡೆಯುತ್ತಿರುವುದೇನು? ಕನ್ನಿಮೋಳಿ ಪ್ರಶ್ನೆ

ನವದೆಹಲಿ: ರಾಹುಲ್​ ಗಾಂಧಿ ಅವರ ರೇಪ್​ ಇನ್​ ಇಂಡಿಯಾ ಹೇಳಿಕೆಯು ಲೋಕಸಭೆ ಹಾಗೂ ರಾಜ್ಯಸಭೆಯಲ್ಲಿ ಆಕ್ರೋಶ ಭುಗಿಲೇಳಲು ಕಾರಣವಾಗಿದೆ. ಈ ಕುರಿತು ಲೋಕಸಭೆಯಲ್ಲಿ ಮಾತನಾಡಿರುವ ಡಿಎಂಕೆ ಸಂಸದೆ ಕನ್ನಿಮೋಳಿ, ಪ್ರಧಾನಿ ಮೋದಿಯವರ ಮೇಕ್​ ಇನ್​ ಇಂಡಿಯಾಗೆ ನಾವು ಗೌರವ ನೀಡುತ್ತೇವೆ. ಆದರೆ ದೇಶದಲ್ಲಿ ನಡೆಯುತ್ತಿರುವುದು ಏನು!? ರಾಹುಲ್​ ಗಾಂಧಿ ಹೇಳಿರುವುದು ಅದೇ ವಿಷಯದ ಬಗ್ಗೆ. ದೇಶದಲ್ಲಿ ಮೇಕ್​ ಇನ್​ ಇಂಡಿಯಾ ನಡೆಯುತ್ತಿಲ್ಲ. ದೇಶದಲ್ಲಿ ಪ್ರತಿದಿನ ಮಹಿಳೆಯರ ಮೇಲೆ ಅತ್ಯಾಚಾರದಂತಹ ಹೇಯ ಕೃತ್ಯ ನಡೆಯುತ್ತಿವೆ. ಅದನ್ನೇ ರಾಹುಲ್​ ಗಾಂಧಿ ಹೇಳುವ ಪ್ರಯತ್ನ ನಡೆಸಿದ್ದಾರೆ ಎಂದಿದ್ದಾರೆ.