ಮುತ್ತಿನ ನಗರಿಯಲ್ಲಿ ಮತ್ತೆ ಜಲಾಸುರನ ಅಟ್ಟಹಾಸ: ತಗ್ಗು ಪ್ರದೇಶಗಳಿಗೆ ನುಗ್ಗಿದ ನೀರು!

ಹೈದರಾಬಾದ್​: ಕಳೆದ ಮೂರು ದಿನಗಳ ಹಿಂದೆ ಮಳೆಯಾರ್ಭಟಕ್ಕೆ ತತ್ತರಿಸಿದ್ದ ತೆಲಂಗಾಣದಲ್ಲಿ ನಿನ್ನೆ ರಾತ್ರಿ ಮತ್ತೆ ಜಲಾಸುರ ಅಟ್ಟಹಾಸ ಮೆರೆದಿದ್ದಾನೆ. ಏಕಾಏಕಿ ಸುರಿದ ಮಳೆಯಿಂದಾಗಿ ಜನಜೀವನ ಸಂಪೂರ್ಣವಾಗಿ ಅಸ್ತವ್ಯಸ್ತಗೊಂಡಿದ್ದು, ತಗ್ಗು ಪ್ರದೇಶಗಳಿಗೆ ನೀರು ನುಗ್ಗಿದೆ. ರಾಚಕೊಂಡದ ಅಬ್ದುಲ್​​ಪುರ್​ಪೇಟ್​ನ ಪೊಲೀಸ್​ ಕಾರು ಮಳೆಯ ನೀರಿನಲ್ಲಿ ಸಿಲುಕೊಂಡಿದ್ದು, ಜೆಸಿಬಿ ಸಹಾಯದಿಂದ ಹೊರತೆಗೆಯಲಾಗಿದೆ. ಇದೀಗ ಜಲ ಪ್ರಳಯಕ್ಕೆ ತೆಲಂಗಾಣ ತತ್ತರಿಸಿ ಹೋಗಿದ್ದು, ಮತ್ತಷ್ಟು ರೋಗ ಭೀತಿ ಉಂಟಾಗಿದೆ. ಮೊನ್ನೆ ಸುರಿದ ಮಳೆಯಲ್ಲಿ 50ಕ್ಕೂ ಅಧಿಕ ಜನರು ಸಾವನ್ನಪ್ಪಿದ್ದರು.