ಚಿದಂಬರಂ ಬಂಧನ ಸುದ್ದಿ ಮುಚ್ಚಿಹಾಕಲು ಈ ಪ್ರೆಸ್​ಮೀಟ್​​: ಪತ್ರಕರ್ತನ ಪ್ರಶ್ನೆಗೆ ವಿತ್ತ ಸಚಿವೆ ನೀಡಿದ್ರು ಈ ಉತ್ತರ!

ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್​​ ನವದೆಹಲಿಯ ರಾಷ್ಟ್ರೀಯ ಮಾಧ್ಯಮ ಕೇಂದ್ರದಲ್ಲಿ ಸುದ್ದಿಗೋಷ್ಠಿ ನಡೆಸಿದರು. ಈ ವೇಳೆ ದೇಶದ ಆರ್ಥಿಕತೆ ಬಲವರ್ಧನೆಗಾಗಿ ಬರೋಬ್ಬರಿ 32 ಅಂಶಗಳನ್ನು ಮಾಧ್ಯಮದವರೊಂದಿಗೆ ವಿತ್ತ ಸಚಿವೆ ಹಂಚಿಕೊಂಡರು. ಇದೇ ವೇಳೆ ನಿರ್ಮಾಲಾ ಸೀತಾರಾಮನ್​ ಪತ್ರಕರ್ತರಿಂದ ಪ್ರಶ್ನೆಗಳ ಸುರಿಮಳೆಯನ್ನೇ ಎದುರಿಸಬೇಕಾಯ್ತು. ಸುದ್ದಿಗೋಷ್ಠಿಯಲ್ಲಿ ಭಾಗಿಯಾಗಿದ್ದ ಪತ್ರಕರ್ತರೋರ್ವರು, ದೇಶದಲ್ಲಿ ಉದ್ಭವವಾಗಿರುವ ಆರ್ಥಿಕತೆ ಕುಸಿತ ಹಾಗೂ ಮಾಜಿ ವಿತ್ತ ಸಚಿವ ಪಿ ಚಿದಂಬರಂ ಅವರ ಅರೆಸ್ಟ್​ ಮಾಡಿರುವ ಸುದ್ದಿ ಮುಚ್ಚಿಹಾಕುವ ಉದ್ದೇಶದಿಂದ ಈ ಸುದ್ದಿಗೋಷ್ಠಿ ನಡೆಸಲಾಗ್ತಿದೆ ಎಂದು ವಿಪಕ್ಷ ಹೇಳುತ್ತಿವೆ. ಇದಕ್ಕೆ ನಿಮ್ಮ ಉತ್ತರ ಏನು ಎಂದು ಕೇಳಿದಾಗ, ನಿರ್ಮಲಾ ಸೀತಾರಾಮನ್​ ನಗುಮುಖದಿಂದಲೇ, ಭ್ರಷ್ಟಾಚಾರ ಹಾಗೂ ಆರ್ಥಿಕತೆ ಯಾವ ಅಧಿಕಾರಾವಧಿಯಲ್ಲಿ ಕುಸಿತ ಕಂಡಿದೆ ಎಂಬುದು ಎಲ್ಲರಿಗೂ ಗೊತ್ತು. ಚಿದಂಬರಂ ಬಂಧನಕ್ಕೂ ನನ್ನ ಸುದ್ದಿಗೋಷ್ಠಿಗೂ ಯಾವುದೇ ಸಂಬಂಧವಿಲ್ಲ ಎಂದು ಖಡಕ್ಕಾಗೇ ಆನ್ಸರ್​ ಕೊಟ್ಟು ಗಮನ ಸೆಳೆದರು.