ವಿಶೇಷ ಚೇತನ ಯುವಕನ ಪ್ರತಿಭೆಗೆ ಸೆಲ್ಯೂಟ್ ಹೊಡೆದ ದೆಹಲಿ ಸಿಎಂ ಕೇಜ್ರಿವಾಲ್​!

ಸೋಷಿಯಲ್​ ಮೀಡಿಯಾದಲ್ಲಿ ಹರಿದಾಡ್ತಿದ್ದ ವಿಡಿಯೋ ನೋಡಿರುವ ದೆಹಲಿ ಮುಖ್ಯಮಂತ್ರಿ ಅರವಿಂದ್​ ಕೇಜ್ರಿವಾಲ್​ ವಿಶೇಷ ಚೇತನ ಯುವಕನ ಪ್ರತಿಭೆಗೆ ಸೆಲ್ಯೂಟ್​ ಹೊಡೆದಿದ್ದಾರೆ. ಪ್ಯಾರಾಲಿಂಪಿಕ್​ ಕ್ರೀಡಾಕೂಟದಲ್ಲಿ ದೇಶಕ್ಕೆ ಚಿನ್ನದ ಪದಕ ತರಲು ಶ್ರಮಿಸುತ್ತಿರುವ ಯುವಕನಿಗೆ ಒಂದು ಕಾಲು ಇಲ್ಲದಿರುವುದು ವಿಡಿಯೋದಲ್ಲಿ ಸ್ಪಷ್ಟವಾಗಿ ಕಾಣಿಸುತ್ತವೆ. ನಿಖಿಲ್​ ಎಂಬ ಯುವಕ ಒಂದೇ ಕಾಲಿನಲ್ಲಿ ವಿವಿಧ ಭಂಗಿಯ ಜಂಪ್​ ಮಾಡ್ತಿರುವುದು ಇದರಲ್ಲಿ ಕಂಡಿದ್ದು, ಅದಕ್ಕೆ ಕೇಜ್ರಿವಾಲ್​​ ಫುಲ್​ ಫಿದಾ ಆಗಿದ್ದಾರೆ. ಕಷ್ಟಪಟ್ಟು ದುಡಿಯುವವರು ಖಂಡಿತವಾಗಿ ಪ್ರತಿಫಲ ಪಡೆದುಕೊಳ್ಳುತ್ತಾರೆ. ನಿಖಿಲ್​ ಖಂಡಿತವಾಗಿ ದೇಶದ ಹೆಸರು ಬೆಳಗಿಸುತ್ತಾರೆಂಬ ವಿಶ್ವಾಸವಿದೆ ಎಂದಿದ್ದಾರೆ.