ನೀರು ಎಂದು ಸ್ಯಾನಿಟೈಸರ್​ ಕುಡಿದ ಬೃಹನ್ಮುಂಬಯಿ ಮುನ್ಸಿಪಲ್ ಕಾರ್ಪೊರೇಷನ್​ ಕಮೀಷನರ್​!

ಮುಂಬೈ(ಮಹಾರಾಷ್ಟ್ರ): ಬೃಹನ್ಮುಂಬಯಿ ಮುನ್ಸಿಪಲ್ ಕಾರ್ಪೊರೇಷನ್​(ಬಿಎಂಸಿ) ಬಜೆಟ್ ಮಂಡನೆ ಮಾಡ್ತಿದ್ದ ವೇಳೆ ಮುನ್ಸಿಪಾಲ್​ ಕಮೀಷನರ್​ ರಮೇಶ್​ ಪವಾರ್​ ನೀರು ಎಂದು ಸಾನಿಟೈಸರ್ ಕುಡಿದಿರುವ ಘಟನೆ ನಡೆದಿದೆ. ಬಜೆಟ್ ಮಂಡನೆ ಮಾಡುತ್ತಿದ್ದ ವೇಳೆ ನೀರು ಹಾಗೂ ಸಾನಿಟೈಸರ್​ ಬಾಟಲ್ ಇಡಲಾಗಿತ್ತು. ಈ ವೇಳೆ, ಅವರು ನೀರಿನ ಬಾಟಲ್ ಎಂದುಕೊಂಡು ಸಾನಿಟೈಸರ್ ಸೇವನೆ ಮಾಡಿದ್ದಾರೆ. ತಕ್ಷಣವೇ ಸಾನಿಟೈಸರ್​ ಹೊರಗೆ ಉಗುಳಿದಿದ್ದಾರೆ. ಇದಾದ ಬಳಿಕ ಇದಕ್ಕೆ ಸಂಬಂಧಿಸಿದಂತೆ ಮಾತನಾಡಿದ ಅವರು ನೀರು ಎಂದುಕೊಂಡು ಸಾನಿಟೈಸರ್ ಸೇವನೆ ಮಾಡಿದ್ದೇನೆ. ಆದರೆ ತಕ್ಷಣವೇ ಹೊರಗೆ ಉಗುಳಿರುವೆ. ಯಾವುದೇ ರೀತಿಯ ತೊಂದರೆ ಆಗಿಲ್ಲ ಎಂದಿದ್ದಾರೆ.