ಮೋದಿ ಜನಪ್ರಿಯತೆ ಮೇಲೆ ಪ್ರತಿ ಸಲ ಬಿಜೆಪಿ ಗೆಲ್ಲಲು ಸಾಧ್ಯವಿಲ್ಲ: ಅಸಾದುದ್ದೀನ್​ ಓವೈಸಿ ಖಡಕ್​ ನುಡಿ

ಹೈದರಾಬಾದ್​​: ಮಹಾರಾಷ್ಟ್ರ-ಹರಿಯಾಣದಲ್ಲಿ ಬಿಜೆಪಿ ಗೆಲುವು ದಾಖಲು ಮಾಡಿದ್ದು, ಸರ್ಕಾರ ರಚನೆ ಮಾಡಲು ಇದೀಗ ಕಸರತ್ತು ನಡೆಸಿವೆ. ಇದರ ಮಧ್ಯೆ ಎಐಎಂಐಎಂ ಮುಖ್ಯಸ್ಥ ಹಾಗೂ ಸಂಸದ ಅಸಾದುದ್ದೀನ್​ ಓವೈಸಿ ಮಾತನಾಡಿದ್ದು, ಪ್ರತಿ ಚುನಾವಣೆಯಲ್ಲಿ ಮೋದಿ ಜನಪ್ರಿಯತೆ ಮೇಲೆ ಬಿಜೆಪಿ ಗೆಲುವು ಸಾಧನೆ ಮಾಡಲು ಸಾಧ್ಯವಿಲ್ಲ ಎಂದಿದ್ದಾರೆ. ಮಹಾರಾಷ್ಟ್ರದಲ್ಲಿ ಕ್ಲಿನ್​ ಸ್ವೀಪ್​ ಮಾಡುವುದಾಗಿ ಹೇಳಿದ್ದ ಬಿಜೆಪಿ ಹೇಳಿಕೊಳ್ಳವಂತಹ ಪ್ರದರ್ಶನ ಹೊರಬಿದ್ದಿಲ್ಲ. ಅದೇ ರೀತಿ ಬಿಜೆಪಿ ಹರಿಯಾಣದಲ್ಲೂ ಸೋಲು ಕಂಡಿದೆ. ಪ್ರತಿ ಸಲ ಪ್ರಧಾನಿ ಮೋದಿ ಹೆಸರು ಹೇಳಿ ಚುನಾವಣೆಯಲ್ಲಿ ಗೆಲುವು ಸಾಧಿಸಲು ಆಗುವುದಿಲ್ಲ ಎಂದು ಅವರು ಹೇಳಿದ್ದಾರೆ.