ನಂಬರ್ ಪ್ಲೇಟ್ ಇಲ್ಲದ ಬೈಕ್​ ಅಡ್ಡಗಟ್ಟಿದ್ದಕ್ಕೆ ಪೊಲೀಸರ ವಿರುದ್ಧ ಯುವಕ ಗರಂ​

ಆದಿಲಾಬಾದ್ (ತೆಲಂಗಾಣ): ನಂಬರ್ ಪ್ಲೇಟ್ ಇಲ್ಲದ ಬೈಕ್ ಅಡ್ಡಗಟ್ಟಿದ ಟ್ರಾಫಿಕ್ ಪೊಲೀಸರಿಗೆ ಯುವಕನೋರ್ವ ಧಮ್ಕಿ ಹಾಕಿರುವ ಘಟನೆ ತೆಲಂಗಾಣದ ಆದಿಲಾಬಾದ್​ನಲ್ಲಿ ನಡೆದಿದೆ. ನನ್ನ ಬೈಕ್​ ಯಾಕೆ ನಿಲ್ಲಿಸಿದ್ರಿ? ಏನು ಮಜಾಕ್​ ಮಾಡ್ತಿದೀರಾ? ಮೊಹಮದ್​ ಅನಾಸೆಲ್ವಿ ನನ್ನ ಹೆಸರು. ಪೋಟೋ - ವಿಳಾಸ ಎಲ್ಲಾ ತಗೋಳಿ.. ನನ್ನನ್ನು ಯಾರೂ ಏನೂ ಮಾಡಲು ಸಾಧ್ಯವಿಲ್ಲ. ಮಾಸ್ಕ್​ ಹಾಕಲ್ಲ, ನನ್ನ ಗಾಡಿ ನೀವೇ ಇಟ್ಕೊಳಿ ಎಂದು ರಂಪಾಟ ಮಾಡಿರುವ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಸದ್ಯ ಪೊಲೀಸರು ಯುವಕನ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.