ಏರ್​​ಪೋರ್ಟ್​ ಬಳಿ ದಿಕ್ಕೆಟ್ಟು ಓಡಿದ ಕರಡಿ... ಇದರ ಅಸಲಿಯತ್ತು ನೋಡಿ

ಗುಜರಾತ್​: ಅಹಮದಾಬಾದ್​ನ ಸರ್ದಾರ್​ ವಲ್ಲಭಬಾಯಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿ ವ್ಯಕ್ತಿವೋರ್ವ ಕರಡಿ ವೇಷ ಧರಿಸಿ ಓಡುತ್ತಿರುವ ದೃಶ್ಯದ ವಿಡಿಯೋವೊಂದು ವೈರಲ್​ ಆಗಿದೆ. ಏರ್​​ಪೋರ್ಟ್​ ಬಳಿ ಲಂಗೂರ್​ಗಳ ಹಾವಳಿ ಹೆಚ್ಚಾಗಿದ್ದು, ಸಾಮಾನ್ಯವಾಗಿ ಲಂಗೂರ್​ಗಳು ಕರಡಿಗಳಿಗೆ ಹೆದರುತ್ತವೆ. ಹೀಗಾಗಿ ನಾವು ನಮ್ಮ ಸಿಬ್ಬಂದಿವೋರ್ವರಿಗೆ ಕರಡಿ ವೇಷ ಹಾಕಿಸಿದ್ದು, ಇದನ್ನು ಕಂಡ ಲಂಗೂರ್​ಗಳು ಹೆದರಿ ಓಡಲಾರಂಭಿಸಿದವು. ಇದೊಂದು ಉತ್ತಮ ಹಾಗೂ ಯಶಸ್ವಿ ಪ್ರಯೋಗವಾಗಿದ್ದು, ಕಳೆದೊಂದು ವಾರದಿಂದ ನಾವು ಈ ಪ್ರಯತ್ನ ಮಾಡುತ್ತಾ ಬಂದಿದ್ದೇವೆ ಎಂದು ಏರ್​​ಪೋರ್ಟ್ ನಿರ್ದೇಶಕ ಮನೋಜ್​ ಗಂಗಲ್​ ತಿಳಿಸಿದ್ದಾರೆ.