ಗಂಡನೊಂದಿಗೆ ವಿವಾಹೇತರ ಸಂಬಂಧದ ಶಂಕೆ: ಮಹಿಳೆ ಮೇಲೆ ವಿವಾಹಿತೆ ಆ್ಯಸಿಡ್​ ದಾಳಿ!

ಆಂಧ್ರಪ್ರದೇಶದ ವಿಶಾಖಪಟ್ಟಣದಲ್ಲಿ ಹೈದರಾಬಾದ್​ ಮಹಿಳೆ ಮೇಲೆ ಆ್ಯಸಿಡ್​ ದಾಳಿ ನಡೆದಿದೆ. ತನ್ನ ಗಂಡನೊಂದಿಗೆ ವಿವಾಹೇತರ ಸಂಬಂಧ ಹೊಂದಿದ ಅನುಮಾನದಿಂದ ವಿವಾಹಿತೆಯೊಬ್ಬರು ಮಹಿಳೆ ಮೇಲೆ ಆ್ಯಸಿಡ್​ ದಾಳಿ ನಡೆಸಿದ್ದಾರೆ ಎನ್ನಲಾಗ್ತಿದೆ. ಹೈದರಾಬಾದ್​ ಮಹಿಳೆ ತನ್ನ ಸಹೋದರಿ ಮನೆಗೆ ತೆರಳಿ ಬರುತ್ತಿರುವ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ. ಘಟನೆ ಬಳಿಕ ಗಂಡನ ಜೊತೆ ವಿವಾಹಿತೆ ಪರಾರಿಯಾಗಿದ್ದಾಳೆ. ಆ್ಯಸಿಡ್​ ದಾಳಿಯಿಂದ ಮಹಿಳೆಯ ದೇಹ ಸುಮಾರು ಶೇ.40ರಷ್ಟು ಭಾಗ ಸುಟ್ಟಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ಘಟನೆ ಕುರಿತು ಪೋಲಿಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ.