ಕೊರೊನಾ ಗೆದ್ದುಬಂದ 100 ವರ್ಷದ ವೃದ್ಧೆ... ಚಪ್ಪಾಳೆ ಮೂಲಕ ಅಜ್ಜಿಗೆ ಸ್ವಾಗತ

ಕೊರೊನಾ ಸೋಂಕಿನಿಂದ ಪ್ರಪಂಚದಾದ್ಯಂತ ಲಕ್ಷಾಂತರ ಮಂದಿ ಸಾವಿಗೀಡಾಗಿದ್ದು, ಬಲಿಯಾದವರಲ್ಲಿ ಹೆಚ್ಚು ಜನ ವೃದ್ಧರಾಗಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ ಕೊರೊನಾ ಸೋಂಕಿಗೆ ತುತ್ತಾಗಿದ್ದ ಮಧ್ಯಪ್ರದೇಶದ ಇಂದೋರ್​ನಲ್ಲಿ 100 ವರ್ಷದ ವೃದ್ಧೆ ಚಂದಾಬಾಯಿ ಗುಣಮುಖರಾಗಿದ್ದಾರೆ. ಸೋಂಕು ಗೆದ್ದ ನಂತರ ವೃದ್ಧೆ ತನ್ನ ಮನೆಗೆ ಮರಳಿದಾಗ ನೆರೆಹೊರೆಯವರು ಚಪ್ಪಾಳೆ ತಟ್ಟಿ ಸ್ವಾಗತಿಸಿದ್ದಾರೆ. ನೂರು ವರ್ಷ ವಯಸ್ಸಾದರೂ ದೃಷ್ಟಿ ಸ್ಪಷ್ಟವಾಗಿದ್ದು, ಈಗಲೂ ದಿನಪತ್ರಿಕೆ ಓದುತ್ತಾರೆ.