ಕಳೆದ ವರ್ಷ ಕೋವಿಡ್​ಗಿಂತಲೂ ರಸ್ತೆ ಅಪಘಾತದಲ್ಲೇ ಹೆಚ್ಚು ಸಾವು: ನಿತಿನ್​ ಗಡ್ಕರಿ

ನವದೆಹಲಿ: ಮಹಾಮಾರಿ ಕೊರೊನಾ ವೈರಸ್​​ ಹಾವಳಿಗಿಂತಲೂ ಕಳೆದ ವರ್ಷ ಅತಿ ಹೆಚ್ಚು ಜನರು ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದ್ದಾರೆ ಎಂದು ಕೇಂದ್ರ ರಸ್ತೆ ಸಾರಿಗೆ ಸಚಿವ ನಿತಿನ್​ ಗಡ್ಕರಿ ತಿಳಿಸಿದರು. ಲೋಕಸಭೆಯಲ್ಲಿ ಮಾತನಾಡಿದ ಅವರು, ಕಳೆದ ವರ್ಷ ಕೋವಿಡ್​ನಿಂದ 1.46 ಲಕ್ಷ ಜನರು ಸಾವನ್ನಪ್ಪಿದ್ರೆ, ರಸ್ತೆ ಅಪಘಾತದಿಂದ 1.50 ಲಕ್ಷ ಜನರು ಸಾವಿಗೀಡಾದರು. ರಸ್ತೆ ಅಪಘಾತ ಕಡಿಮೆ ಮಾಡುವ ವಿಚಾರದಲ್ಲಿ ಕೇಂದ್ರ ಸರ್ಕಾರ ಗಂಭೀರವಾಗಿದ್ದು, 18-35 ವಯಸ್ಸಿನ ಜನರು ಇದರಲ್ಲಿ ಹೆಚ್ಚಾಗಿ ಬಲಿಯಾಗುತ್ತಿದ್ದಾರೆ ಎಂದು ತಿಳಿಸಿದರು.