ಕೆಎಂಎಫ್ ನಂದಿನಿ​ ಸಿಹಿ ಉತ್ಸವಕ್ಕೆ ಚಾಲನೆ: 40 ಲಕ್ಷ ರೂ ವಹಿವಾಟು ಗುರಿ

ಗಂಗಾವತಿಯ ನಂದಿನಿ ಮಿಲ್ಕ್ ಪಾರ್ಲರ್​ನಲ್ಲಿ ಸೋಮವಾರ ಹಮ್ಮಿಕೊಂಡಿದ್ದ ಶೇ.20ರಷ್ಟು ರಿಯಾಯಿತಿ ದರದಲ್ಲಿ ಸಿಹಿ ಉತ್ಪನ್ನಗಳ ಮಾರಾಟದ ನಂದಿನಿ ಸಿಹಿ ಉತ್ಸವಕ್ಕೆ ಕೆಎಂಎಫ್ ನಿರ್ದೇಶಕ ಎಂ. ಸತ್ಯನಾರಾಯಣ ಚಾಲನೆ ನೀಡಿದರು. ರಾಯಚೂರು ಮತ್ತು ಬಳ್ಳಾರಿ ಹಾಲು ಒಕ್ಕೂಟದ ಡೆಪ್ಯುಟಿ ಮ್ಯಾನೇಜರ್​ ಚಂದ್ರಶೇಖರ ರೆಡ್ಡಿ ಮಾತನಾಡಿ, ಈ ಬಾರಿ ಕೊಪ್ಪಳ ಮತ್ತು ವಿಜಯನಗರ ಜಿಲ್ಲೆಗಳಿಂದ 40 ಲಕ್ಷ ಮೊತ್ತದ ವಹಿವಾಟು ನಡೆಸುವ ಗುರಿ ಇದೆ. ಎರಡು ಜಿಲ್ಲೆಗಳಿಗೆ ಕೊಪ್ಪಳ ಜಿಲ್ಲೆಯ ಬೂದಗುಂಪಾದ ಬಳಿ ಇರುವ ಕೆಎಂಎಫ್ ಉತ್ಪನ್ನದ ಘಟಕದಿಂದ ನಂದಿನಿ ಹಾಲಿನ ಉತ್ಪನ್ನಗಳನ್ನು ಮಾರಾಟ ಮಾಡಲಾಗುತ್ತಿದೆ. ಈ ಹಿಂದೆ ನಾಲ್ಕೈದು ದಿನಕ್ಕೆ ಸೀಮಿತವಾಗಿದ್ದ ಸಿಹಿ ಉತ್ಸವ ಈ ಬಾರಿ ಒಂದು ತಿಂಗಳು ಇರಲಿದೆ ಎಂದು ಹೇಳಿದರು.