ನಾಯಿ ತಪ್ಪಿಸಲು ಹೋಗಿ ಬೈಕ್ ಪಲ್ಟಿ.. ಸವಾರನ ಜೀವ ಉಳಿಸಿತು ಹೆಲ್ಮೆಟ್!

ಕಾರವಾರ(ಉತ್ತರಕನ್ನಡ): ರಸ್ತೆಗೆ ಅಡ್ಡವಾಗಿ ಬಂದ ನಾಯಿಗೆ ಡಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ಬೈಕ್​​​ ಸವಾರನೋರ್ವ ಬ್ರೇಕ್ ಹಾಕಿದ್ದು, ನಡು ರಸ್ತೆಯಲ್ಲೇ ಸ್ಕಿಡ್ ಆಗಿ ಬಿದ್ದು ಗಾಯಗೊಂಡಿರುವ ಘಟನೆ ತಾಲೂಕಿನ ಚಿತ್ತಾಕುಲಾ ಗ್ರಾಮದಲ್ಲಿ ನಡೆದಿದೆ. ಚಿತ್ತಾಕುಲ ಬಳಿ ಸ್ವಲ್ಪ ಮಳೆಯಾಗಿತ್ತು. ಎದುರಿಗೆ ಬಂದ ನಾಯಿ ತಪ್ಪಿಸಲು ಹೋಗಿ ಬೈಕ್​ಗೆ ಬ್ರೇಕ್ ಹಾಕಿದ್ದು, ಬೈಕ್ ನಡು ರಸ್ತೆಯಲ್ಲಿಯೇ ಪಲ್ಟಿಯಾಗಿದೆ. ಆಗ ಬೈಕ್​ ಸವಾರ ಸ್ವಲ್ಪ ದೂರ ಜಾರಿಕೊಂಡು ಬಿದ್ದಿದ್ದಾರೆ. ತಲೆ ಮೇಲಿದ್ದ ಹೆಲ್ಮೆಟ್​ ಆತನ ಪ್ರಾಣಿ ಉಳಿಸಿದೆ. ಸವಾರ ತಾನಾಗಿಯೇ ಎದ್ದು ಸ್ವಲ್ಪ ಹೊತ್ತು ಸುಧಾರಿಸಿಕೊಂಡು ನಂತರ ತೆರಳಿದ್ದಾರೆ. ಈ ದೃಶ್ಯ ಅಲ್ಲೇ ಹತ್ತಿರದಲ್ಲಿದ್ದ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.