ತನ್ನ ಆಸೆಯಂತೆ ಬುಲ್ಡೋಜರ್ ಏರಿ ಮದುವೆ ಮನೆಗೆ ಬಂದ ಇಂಜಿನಿಯರ್​!

ಮಧ್ಯಪ್ರದೇಶ ಬೆತುಲ್ ಜಿಲ್ಲೆಯಲ್ಲಿ ವಧು ಟ್ರ್ಯಾಕ್ಟರ್ ಓಡಿಸಿ ಮದುವೆ ಹಾಲ್​ಗೆ ಬಂದ್​ ಘಟನೆ ಭಾರಿ ಚರ್ಚೆಗೊಳಗಾಗಿತ್ತು. ಇದೀಗ ವೃತ್ತಿಯಲ್ಲಿ ಸಬ್ ಇಂಜಿನಿಯರ್ ಒಬ್ಬರು ಕುದರೆ ಬದಲು ಬುಲ್ಡೋಜರ್​ ಮೇಲೆ ಬರಾತ್​ ಮೆರವಣಿಗೆ ವಧು ಮನೆಗೆ ತೆಗೆದುಕೊಂಡು ಹೋಗುವ ಮೂಲಕ ಸುದ್ದಿಯಾಗಿದ್ದಾರೆ. ಮಧ್ಯಪ್ರದೇಶದ ಭೋಪಾಲ್ ಜಿಲ್ಲೆಯ ಕುರವರ್ ಮುನ್ಸಿಪಲ್ ಕೌನ್ಸಿಲ್‌ನಲ್ಲಿ ಸಬ್ ಇಂಜಿನಿಯರ್​ ಆಗಿ ಕಾರ್ಯನಿರ್ವಹಿಸುತ್ತಿರುವ ಅಂಕುರ್ ಜೈಸ್ವಾಲ್ ವಿವಾಹ ಪಧಾರ್‌ನಲ್ಲಿ ನಿಶ್ಚಯಿಸಲಾಗಿತ್ತು, ಮೊನ್ನೆ ರಾತ್ರಿ ವರ ಅಂಕುರ್​ ಜೈಸ್ವಾಲ್​ ತಮ್ಮ ಸ್ವಗ್ರಾಮವಾದ ಕೆರ್ಪಾನಿಯಿಂದ ಪಧಾರ್​ಗೆ ತೆರಳಿತ್ತು. ಅಲ್ಲಿ ವರ ಅಂಕುರ್​ ಬೇಡಿಕೆಯನ್ನು ಕೇಳಿ ಎಲ್ಲರೂ ಆಶ್ಚರ್ಯಚಕಿತರಾದರು. ರಾಜನ ರೀತಿ ಕುದುರೆ ಮೆರವಣಿಗೆ ಮಾಡುವ ಬದಲು ಬುಲ್ಡೋಜರ್ ಮೇಲೆ ಕುಳಿತುಕೊಳ್ಳುವ ಆಸೆಯನ್ನು ವ್ಯಕ್ತಪಡಿಸಿದರು. ಆಗ ಬುಲ್ಡೋಜರ್​ ವ್ಯವಸ್ಥೆ ಮಾಡಲಾಗಿದ್ದು, ವರ ಅಂಕುರ್​ ತಮ್ಮ ಬರಾತ್​ ಮೆರವಣಿಗೆಯನ್ನು ವಧು ಮನೆಗೆ ಕೊಂಡೊಯ್ದರು. ಈ ವೇಳೆ ಎಲ್ಲರೂ ಡಿಜೆ ಹಾಡಿಗೆ ಸಖತ್​ ಕುಣಿದು.ಕುಪ್ಪಳಿಸಿದರು.