ವಿಶ್ವ ಪೈಲ್ಸ್ ದಿನವನ್ನು ಪ್ರತಿ ವರ್ಷ ನವೆಂಬರ್ 20ರಂದು ಆಚರಿಸಲಾಗುತ್ತದೆ. ಈ ಮೂಲಕ ಮೂಲವ್ಯಾಧಿ ಕುರಿತು ಜಾಗತಿಕವಾಗಿ ಜನರಲ್ಲಿ ಅರಿವು ಮೂಡಿಸುವ ಯತ್ನ ನಡೆಯುತ್ತದೆ. ಪೈಲ್ಸ್/ ಮೂಲವ್ಯಾಧಿ ಎಂಬುದು ವ್ಯಕ್ತಿಯ ಗುದದ ಮೇಲೆ ಪರಿಣಾಮ ಬೀರುವ, ಹೆಚ್ಚು ತಪ್ಪಾಗಿ ಅರ್ಥೈಸಿಕೊಳ್ಳುವ ವೈದ್ಯಕೀಯ ಸ್ಥಿತಿ.
ಪೈಲ್ಸ್ ಎಂದರೇನು?: ಪೈಲ್ಸ್ ಎಂಬುದು ಗುದದ್ವಾರದ ಒಳಗೆ ಅಂಗಾಂಶದ ಉರಿಯೂತದ ಸಂಗ್ರಹ, ರಕ್ತನಾಳಗಳು, ಪೋಷಕ ಅಂಗಾಂಶ, ಸ್ನಾಯು ಮತ್ತು ಸ್ಥಿತಿಸ್ಥಾಪಕ ಹೊಂದಿರುವ ಸ್ಥಿತಿ. ಇದರಲ್ಲಿ ಆಂತರಿಕ ಮತ್ತು ಬಾಹ್ಯ ಎಂಬೆರಡು ವಿಧಗಳಿದ್ದು, ಪ್ರತಿಯೊಂದು ವಿಭಿನ್ನ ಗಾತ್ರ ಮತ್ತು ತೀವ್ರತೆ ಹೊಂದಿರುತ್ತದೆ. ಆಂತರಿಕ ಪೈಲ್ಸ್ ಗುದದ್ವಾರದ ಒಳಗೆ 2 ಮತ್ತು 4 ಸೆಂಟಿಮೀಟರ್ ಮೇಲೆ ಇರುತ್ತದೆ. ಇದು ನೋವುರಹಿತ. ಬಾಹ್ಯ ಪೈಲ್ಸ್ ಗುದದ್ವಾರದ ಹೊರಗಿದ್ದು, ನೋಡಲು ಸಾಧ್ಯವಿದೆ. ಇದು ಕಿರಿಕಿರಿ ಮೂಡಿಸುತ್ತದೆ.
ಪೈಲ್ಸ್ ವರ್ಗೀಕರಣ: ಇದನ್ನು ನಾಲ್ಕು ವಿಧವಾಗಿ ವರ್ಗೀಕರಣ ಮಾಡಲಾಗಿದೆ. ಮೊದಲ ಹಂತದಲ್ಲಿ ಸಣ್ಣ ಉರಿಯೂತದೊಂದಿಗಿನ ಹೆಚ್ಚಾಗಿ ಕಾಣಲು ಸಿಗದ ಗುದದ್ವಾರದ ಲೈನಿಂಗ್ ಆಗಿದೆ. ಎರಡನೇ ವರ್ಗದಲ್ಲಿ ಮಲ ವಿಸರ್ಜನೆ ಅಥವಾ ಇನ್ನಿತರ ಸಂದರ್ಭದಲ್ಲಿ ಸಮಯದಲ್ಲಿ ಹೊರಗೆ ತಳ್ಳಬಹುದಾದ ಹಾಗೆಯೇ ನೈಸರ್ಗಿಕವಾಗಿ ಹಿಂತೆಗೆದುಕೊಳ್ಳುವ ದೊಡ್ಡ ಆಂತರಿಕ ರಾಶಿಗಳು. ಮೂರನೇ ವರ್ಗದಲ್ಲಿ ಗುದದ್ವಾರದ ಹೊರಗೆ ಕಾಣಬಹುದಾದ ಮೂಲವ್ಯಾಧಿ ಆಗಿದ್ದು, ಇದಕ್ಕೆ ಹಸ್ತಚಾಲಿತ ಮರು ಅಳವಡಿಕೆ ಅಗತ್ಯವಿರುತ್ತದೆ. ನಾಲ್ಕನೆಯದು ದೊಡ್ಡ ಮೂಲವ್ಯಾಧಿಯಾಗಿದ್ದು, ಗುದದ್ವಾರದ ಹೊರಗಿರುತ್ತದೆ. ಇದನ್ನು ನೈಸರ್ಗಿಕವಾಗಿ ಮರುಅಳವಡಿಕೆ ಮಾಡಲು ಅಸಾಧ್ಯ. ಇದಕ್ಕೆ ಅಗತ್ಯ ಚಿಕಿತ್ಸೆ ಬೇಕಿದೆ.
ಅನೇಕ ಮೂಲವ್ಯಾಧಿ ಪ್ರಕರಣಗಳು ತೀವ್ರತೆಯಿಂದ ಕೂಡಿರುವುದಿಲ್ಲ. ಇದು ಸ್ವಯಂ ಪರಿಹಾರ ಹೊಂದಿದ್ದು, ಅನೇಕರು ಇದನ್ನು ಅನುಭವಿಸಿರುತ್ತಾರೆ.
ತೊಂದರೆಗಳೇನು?: ಮೂಲವ್ಯಾಧಿಗೆ ಚಿಕಿತ್ಸೆ ನೀಡದೇ ಹೋದಲ್ಲಿ ಗಂಭೀರ ಸಮಸ್ಯೆಗೆ ಕಾರಣವಾಗುತ್ತದೆ. ಇದರಿಂದ ಗುದನಾಳದಲ್ಲಿ ರಕ್ತಸ್ರಾವ, ಸೋಂಕು, ಗುದ ಪಿಸ್ತೂಲದಂತಹ ಸಮಸ್ಯೆಗಳು ಉದ್ಬವಿಸುತ್ತದೆ.
ಕಾರಣ: ಮಲಬದ್ಧತೆ, ಅತಿಸಾರ, ಭಾರದ ವಸ್ತುಗಳ ಎತ್ತುವಿಕೆ, ಗರ್ಭಾವಸ್ಥೆ, ಸ್ಥೂಲಕಾಲ, ಗುದ ಕ್ಯಾನ್ಸರ್ ಅಥವಾ ಬೆನ್ನುಹುರಿ ಗಾಯ ಸೇರಿದಂತೆ ಅನೇಕ ಸಂದರ್ಭದಲ್ಲಿ ಗುದನಾಳಕ್ಕೆ ಒತ್ತಡ ಹೆಚ್ಚಿಸುತ್ತದೆ.
ಚಿಕಿತ್ಸೆ: ಖಾಯಿಲೆಯ ತೀವ್ರತೆಯ ಆಧಾರದ ಮೇಲೆ ಹಲವು ವಿಧದ ಚಿಕಿತ್ಸೆಗಳು ಲಭ್ಯವಿದೆ.
- ಜೀವನಶೈಲಿ ಬದಲಾವಣೆ: ಆಹಾರ ಪದ್ದತಿ ಹೊಂದಾಣಿಕೆ, ತೂಕ ನಿರ್ವಹಣೆ ಮತ್ತು ನಿಯಮಿತ ವ್ಯಾಯಾಮ
- ಔಷಧಿ: ವೈದ್ಯರು ಸೂಚಿಸಿದ ನೋವು ನಿವಾರಕ ಮಾತ್ರೆಗಳು, ಕ್ರೀಮ್ಸ್ ಮತ್ತು ಪ್ಯಾಡ್ಸ್ ಇವುಗಳ ತೀವ್ರತೆ ಕಡಿಮೆ ಮಾಡಬಹುದು.
- ಶಸ್ತ್ರ ಚಿಕಿತ್ಸೆ ಆಯ್ಕೆ: ಕೆಲವು ಅಭಿವೃದ್ಧಿ ಹೊಂದಿದ ಪ್ರಕರಣದಲ್ಲಿ ಇದಕ್ಕೆ ಶಸ್ತ್ರ ಚಿಕಿತ್ಸೆ ಅಗತ್ಯ ಎದುರಾಗುತ್ತದೆ.
ವೈದ್ಯಕೀಯ ಸಲಹೆ ಪಡೆಯುವ ಅವಶ್ಯಕತೆ: ಸಮಸ್ಯೆ ಲಕ್ಷಣ, ತೀವ್ರತೆ ಆಧಾರದ ಮೇಲೆ ಸಮಸ್ಯೆಗೆ ವೈದ್ಯಕೀಯ ಸಲಹೆಯನ್ನು ಪ್ರೊಟೊಲಾಜಿಸ್ಟ್ ನೀಡುತ್ತದೆ. ವಿಶ್ವ ಪೈಲ್ಸ್ ದಿನದಂದು ವ್ಯಕ್ತಿಗಳು ತಮ್ಮ ಕೊಲೊರೆಕ್ಟಲ್ ಆರೋಗ್ಯಕ್ಕೆ ಆದ್ಯತೆ ನೀಡಲು, ರೋಗಲಕ್ಷಣಗಳನ್ನು ತ್ವರಿತವಾಗಿ ಪರಿಹರಿಸಲು ಪ್ರೋತ್ಸಾಹಿಸುವ ಗುರಿ ಹೊಂದಿದೆ.
ವಿಶ್ವ ಪೈಲ್ಸ್ ದಿನದಂದು ಮೂಲವ್ಯಾಧಿ ಕುರಿತು ಇರುವ ತಪ್ಪು ಕಲ್ಪನೆಗಳನ್ನು ಹೋಗಲಾಡಿಸಿ, ಕೊಲೊರೆಕ್ಟಲ್ ಆರೋಗ್ಯವನ್ನು ಅಭಿವೃದ್ಧಿ ಮಾಡುವ ಗುರಿ ಇದೆ. ಅನೇಕ ಬಾರಿ ಸಾಮಾನ್ಯವಾಗಿ ಕಡೆಗಣಿಸಲ್ಪಟ್ಟಿರುವ ಸ್ಥಿತಿಯನ್ನು ತಡೆಗಟ್ಟುವಲ್ಲಿ ಮತ್ತು ನಿರ್ವಹಿಸುವಲ್ಲಿ ಅರಿವು, ತಿಳುವಳಿಕೆ ಅತ್ಯಗತ್ಯ.
ಇದನ್ನೂ ಓದಿ: ಶುಂಠಿ ಸಿಪ್ಪೆ ವೇಸ್ಟ್ ಅಂತಾ ಬಿಸಾಕಬೇಡಿ , ಈ ಸಿಪ್ಪೆಯಿಂದಲೂ ಇದೆ ಹಲವು ಪ್ರಯೋಜನ: ಹೇಗೆ ಗೊತ್ತಾ?
