ಜಿನೀವಾ: ಕೋವಿಡ್ 19 ಸೋಂಕು ಎಲ್ಲ ದೇಶದಲ್ಲಿ ಪ್ರಸರಣ ಕಾಣುತ್ತಿದ್ದು, ಇದರಿಂದ ಎದುರಾಗುವ ಸಾರ್ವಜನಿಕ ಆರೋಗ್ಯ ಬೆದರಿಕೆಗಳು ಜಾಗತಿಕವಾಗಿ ಹೆಚ್ಚಿದೆ. ದೀರ್ಘವಾದಿಯ ಕೋವಿಡ್ಗಳು ಹೆಚ್ಚಿನ ಅಪಾಯವನ್ನು ಹೊಂದಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಎಚ್ಚರಿಸಿದೆ.
ವೇಸ್ಟ್ವಾಟರ್ ಅನಾಲಿಸಿಸ್ ಆಧಾರಿತ ಅಂದಾಜಿನ ಪ್ರಕಾರ, ಕೋವಿಡ್ 19 ಅಪಾಯವೂ ವರದಿಯಾಗಿರುವ ಪ್ರಕರಣಗಳಿಗಿಂತ ಎರಡರಿಂದ 19ರಷ್ಟು ಹೆಚ್ಚಿದೆ. ಈ ಕುರಿತು ಮಾತನಾಡಿರುವ ವಿಶ್ವ ಆರೋಗ್ಯ ಸಂಸ್ಥೆಯ ಮಧ್ಯಂತರ ನಿರ್ದೇಶಕಿ ಮರಿಯಾ ವನ್ ಕೆರ್ಕೊವ್, ಕೋವಿಡ್ ನಂತರದ ಪರಿಸ್ಥಿತಿಗಳು ಅಂಗಾಂಗ ಹಾನಿ ಮಾಡುತ್ತದೆ ಎಂಬ ಕುರಿತು ಆತಂಕ ವ್ಯಕ್ತಪಡಿಸಿದರು.
ಕೋವಿಡ್ ಉತ್ತುಂಗದ ಸಮಯಕ್ಕೆ ಹೋಲಿಕೆ ಮಾಡಿದಾಗ ಕೋವಿಡ್ ಸಂಬಂಧಿತ ಸಾವಿನಲ್ಲಿ ಇದೀಗ ಗಣನೀಯ ಇಳಿಕೆ ಕಂಡಿದೆ. ಇಂದಿಗೂ 50ಕ್ಕೂ ಹೆಚ್ಚು ದೇಶದಲ್ಲಿ 10 ಸಾವಿರ ಸಾವು ದಾಖಲಾಗುತ್ತಿದೆ. ಪ್ರಸ್ತುತ ಕೋವಿಡ್ 19ನ ಉಪತಳಿ ಜೆಎನ್.1 ಸದ್ಯ ಜಾಗತಿಕವಾಗಿ ಶೇ 57ರಷ್ಟು ಪ್ರತಿನಿಧಿಸುತ್ತಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ತಿಳಿಸಿದೆ.
ಕೋವಿಡ್ ಸೋಂಕು ಕೂಡ ಆಯಾಸ, ಶ್ವಾಸಕೋಶ ಸಮಸ್ಯೆ, ನರ ಸಂಬಂಧಿತ ಸಮಸ್ಯೆ, ಹೃದಯ ನಿರಂತರ ಬೆದರಿಕೆ ಹೊಂದಿದೆ. ಇವುಗಳ ಲಕ್ಷಣಗಳು ಕೋವಿಡ್ ಚೇತರಿಕೆ ಬಳಿಕ 12 ತಿಂಗಳು ಮತ್ತು ಅದಕ್ಕಿಂತ ದೀರ್ಘಾವಧಿ ಮುಂದುವರೆದಲ್ಲಿ ಅದು ದೀರ್ಘಾವಧಿ ಕೋವಿಡ್ ಪರಿಸ್ಥಿತಿಯಾಗಿದ್ದು, ಈ ಬಗ್ಗೆ ಹೆಚ್ಚಿನ ಕಾಳಜಿವಹಿಸಬೇಕಿದೆ ಎಂದು ತಿಳಿಸಿದ್ದಾರೆ.
10ರಲ್ಲಿ 1 ಸೋಂಕು ದೀರ್ಘಕಾಲದ ಕೋವಿಡ್ ಪರಿಸ್ಥಿತಿ ನಿರ್ಮಾಣಕ್ಕೆ ಕಾರಣವಾಗಿದೆ. ಇನ್ನು ದೀರ್ಘ ಕೋವಿಡ್ ಪ್ರಕರಣಗಳು ಯಾವುದೇ ಚಿಕಿತ್ಸೆಯು ಲಭ್ಯವಿಲ್ಲ. ಕಾರಣ ಇದು ಇನ್ನೂ ಹೊಸದಾಗಿದೆ. ಉತ್ತರ ಧ್ರವಪ್ರದೇಶದಲ್ಲಿ ಇನ್ಫುಯೆಂಜಾ ಸೋಂಕಿನ ಪ್ರಕರಣಗಳಲ್ಲಿ ಏರಿಕೆ ಕಂಡಿದೆ. ಈ ಪಾಸಿಟಿವಿ ದರವೂ 20-21ರಷ್ಟು ಕಂಡು ಬಂದಿದೆ. ಸಾಮಾನ್ಯ ಜ್ವರ ಮತ್ತು ಕೋವಿಡ್ 19 ಲಸಿಕೆ ಪಡೆಯದಿರುವಿಕೆ ಆರೋಗ್ಯ ವ್ಯವಸ್ಥೆ ಮೇಲೆ ಹೆಚ್ಚಿನ ಹೊರೆ ಹಾಕಿದೆ.
ಜಾಗತಿಕವಾಗಿ ಸೋಂಕಿನ ರಕ್ಷಣೆಗೆ ಬೂಸ್ಟರ್ ಲಸಿಕೆ ಪಡೆಯಬೇಕು. ಜಾಗತಿಕವಾಗಿ ಬೂಸ್ಟರ್ ಡೋಸ್ ಅನ್ನು ಕಡಿಮೆ ಪ್ರಮಾಣದಲ್ಲಿ ಪಡೆಯಲಾಗಿದ್ದು ಹಿರಿಯ ನಾಗರಿಕರೂ ಶೇ 55ರಷ್ಟು ಬೂಸ್ಟರ್ ಡೋಸ್ ಪಡೆದಿದ್ದಾರೆ. 2023ರ ಡಿಸೆಂಬರ್ ಅಂತ್ಯಕ್ಕೆ ಕೋವಿಡ್ 19ನಿಂದ 7 ಮಿಲಿಯನ್ ಜನರು ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ ಎಂದು ಡಬ್ಲ್ಯೂಎಚ್ಒ ತಿಳಿಸಿದೆ. (ಐಎಎನ್ಎಸ್)
ಇದನ್ನೂ ಓದಿ: ಜೆಎನ್ 1 ಕೊರೊನಾ ರೂಪಾಂತರದ ದೊಡ್ಡ ಅಲೆ ಬರಬಹುದು; ತಜ್ಞರ ಹೇಳಿಕೆ
