ಲಂಡನ್: ದೀರ್ಘಾವಧಿ ಕೋವಿಡ್ ಲಕ್ಷಣಗಳು ಮಹಿಳೆಯರಲ್ಲಿ ಅಧಿಕ ತೂಕ ಹೆಚ್ಚಳಕ್ಕೆ ಸಂಬಂಧಿಸಿವೆ ಎಂಬುದನ್ನು ಹೊಸ ಸಂಶೋಧನೆ ವರದಿ ಮಾಡಿದೆ. ಯುನಿವರ್ಸಿಟಿ ಆಫ್ ಈಸ್ಟ್ ಆ್ಯಂಜಲಿಯಾ ನಡೆಸಿದ ಅಧ್ಯಯನದಲ್ಲಿ, ಅಧಿಕ ತೂಕವು ಪುರುಷರಿಗಿಂತ ಹೆಚ್ಚಾಗಿ ಮಹಿಳೆಯರಲ್ಲಿ ದೀರ್ಘ ಕೋವಿಡ್ನೊಂದಿಗೆ ಸಂಬಂಧ ಹೊಂದಿರುವುದು ಪತ್ತೆಯಾಗಿದೆ ಎಂದು ತಿಳಿಸಿದೆ.
ಬೇಗ ಕೋವಿಡ್ನಿಂದ ಚೇತರಿಕೆ ಕಂಡವರಿಗಿಂತ ದೀರ್ಘಾವಧಿ ಕೋವಿಡ್ಗೆ ಹೆಚ್ಚಿನ ನಿಗಾ ಬೇಕಿದ್ದು, ಕಾಳಜಿ ವಹಿಸಬೇಕಿದೆ ಎಂದು ಸಂಶೋಧನೆ ತಿಳಿಸಿದೆ. ದೀರ್ಘಾವಧಿ ಕೋವಿಡ್ ಕ್ಲಿಷ್ಟ ಪರಿಸ್ಥಿತಿಯನ್ನು ಅಭಿವೃದ್ಧಿ ಮಾಡುತ್ತದೆ. ಜೊತೆಗೆ 12 ವಾರಗಳಿಗೂ ಹೆಚ್ಚು ಕಾಲ ಕೋವಿಡ್ ಹೊಂದಿದ್ದರೆ ಅದು ದೀರ್ಘಾವಧಿ ಕೋವಿಡ್ ಆಗಿದೆ ಎಂದು ಯುನಿವರ್ಸಿಟಿ ಆಫ್ ಈಸ್ಟ್ ಆ್ಯಂಜಲಿಯಾ ಪ್ರೊಫೆಸರ್ ತಿಳಿಸಿದ್ದಾರೆ.
ಬ್ರಿಟನ್ನಲ್ಲಿ ಎರಡು ಮಿಲಿಯನ್ಗೂ ಹೆಚ್ಚು ಜನರು ದೀರ್ಘಾವಧಿ ಕೋವಿಡ್ನಿಂದ ಬಳಲಿರುವುದಾಗಿ ತಿಳಿದ್ದು, ಅದು ವಿಭಿನ್ನ ರೀತಿಯಲ್ಲಿ ಅವರಿಗೆ ಪರಿಣಾಮ ಬೀರಿದೆ. ಕೆಮ್ಮು, ತಲೆ ನೋವು ಸೇರಿದಂತೆ ಅನೇಕ ಅನೇಕ ತಡೆಗಟ್ಟುವ ರೋಗ ಲಕ್ಷಣಗಳನ್ನು ಹೊಂದಿದ್ದಾರೆ. ಇದರ ಹೊರತಾಗಿ ಎದೆನೋವು, ಬಿಗಿತನ, ಬ್ರೈನ್ ಫಾಗ್, ಆಲಸ್ಯ, ಕೀಲು ನೋವು, ಖಿನ್ನತೆ, ಆತಂಕ, ಹಸಿವೆ ನಷ್ಟ, ರುಚಿ ಮತ್ತು ವಾಸನೆ ಬದಲಾವಣೆಗಳಿಗೂ ಒಳಗಾಗಿದ್ದಾರೆ ಎನ್ನುತ್ತಾರೆ ಪ್ರೊಫೆಸರ್ ವಸ್ಸಿಲಿಒ.
ಇನ್ನು, ದೀರ್ಘಾವಧಿ ಕೋವಿಡ್ ಅಭಿವೃದ್ಧಿಯಲ್ಲಿ ಯಾವ ಅಂಶ ಅಭಿವೃದ್ಧಿ ಆಗುತ್ತದೆ ಎಂಬುದನ್ನು ನಾವು ಅರಿಯಬೇಕಾಯಿತು. ಈ ಸಂಬಂಧ ನಡೆದ ಆನ್ಲೈನ್ ಸಮೀಕ್ಷೆಯಲ್ಲಿ 1,487 ಮಂದಿ ಭಾಗಿಯಾಗಿದ್ದರು. ಅವರಲ್ಲಿ ಉಸಿರಾಟ ಸಮಸ್ಯೆ, ಎದೆನೋವು, ನೆನಪಿನ ಸಮಸ್ಯೆ ಮತ್ತು ಆತಂಕಗಳ ಕಾಡುತ್ತಿರುವ 774 ಮಂದಿ ದೀರ್ಘ ಕೋವಿಡ್ ಅನುಭವ ಹೊಂದಿದ್ದರು. ಹೆಚ್ಚಿನ ಸ್ವಯಂ ಹರಡುವಿಕೆಯನ್ನು ಹೊಂದಿದ್ದಾರೆ.
ಮೆಡಿಕಲ್ ರೆಕಾರ್ಡ್ ಅನುಸಾರವಾಗಿ ಕಡಿಮೆ ಸಮಸ್ಯೆಗೆ ಗುರಿಯಾದವರನ್ನು ಅಧ್ಯಯನಕ್ಕೆ ಒಳಪಡಿಸಿದಾಗ ಸಮೀಕ್ಷೆಯಲ್ಲಿ ಅರ್ಧಕ್ಕಿಂತ ಹೆಚ್ಚಿನ ಜನರು ಸಾಂಕ್ರಾಮಿಕತೆ ಮೊದಲ ವರ್ಷದಲ್ಲಿ ಸೋಂಕಿಗೆ ಒಳಗಾಗಿದ್ದಾರೆ.
ಕೋವಿಡ್ ಲಸಿಕೆಗೆ ಮುನ್ನ ಇವರಲ್ಲಿ ಸೋಂಕು ಕಾಣಿಸಿಕೊಂಡಿದ್ದು, ಅವರಲ್ಲಿ ಅನೇಕ ಹೊಸ ಲಕ್ಷಣಗಳು ಕಂಡು ಬಂದಿವೆ. ಇದರಲ್ಲಿ ಪ್ರಮುಖವಾಗಿ ಪುರುಷರಿಗಿಂತ ಮಹಿಳೆಯರು ದೀರ್ಘಾವಧಿ ಕೋವಿಡ್ ಲಕ್ಷಣ ಹೊಂದಿದ್ದಾರೆ. ದೀರ್ಘಾವಧಿ ಕೋವಿಡ್ ಹೊಂದಿರುವವರಲ್ಲಿ ಅಧಿಕ ದೇಹ ತೂಕ ಪತ್ತೆಯಾಗಿದೆ.
ಇದನ್ನೂ ಓದಿ: 48,500 ವರ್ಷದ ಹಿಂದಿನ ಜೊಂಬಿ ವೈರಸ್ ಪತ್ತೆ ಮಾಡಿದ ರಷ್ಯಾ ವಿಜ್ಞಾನಿಗಳು
