ಪಿಸಿಒಡಿ, ಪಿಸಿಒಸಿ ಸಮಸ್ಯೆಗೆ ರಾಮಬಾಣವಂತೆ ಈ ಜ್ಯೂಸ್​ಗಳು!

ಬಹುತೇಕರನ್ನು ಕಾಡುವ ಪಿಸಿಒಸಿ, ಪಿಸಿಒಡಿ ಸಮಸ್ಯೆಗೆ ನೈಸರ್ಗಿಕ ಪಾನೀಯಗಳು ಉತ್ತಮವಂತೆ. ಇಂತಹ ಕೆಲವು ಜ್ಯೂಸ್​ಗಳ ಕುರಿತ ಮಾಹಿತಿ ಇಲ್ಲಿದೆ.

ಸಾಮಾನ್ಯವಾಗಿ ಹತ್ತರಲ್ಲಿ 8 ಮಹಿಳೆಯರು ಪಾಲಿಸ್ಟಿಕ್​ ಒವರಿ ಸಿಂಡ್ರೋಮ್​ ಅಂದರೆ ಪಿಸಿಒಎಸ್​ ಸಮಸ್ಯೆಯಿಂದ ಬಳಲುತ್ತಿರುತ್ತಾರೆ. ಅನಾರೋಗ್ಯಕರ ಜೀವನ ಶೈಲಿ, ಕೆಲಸ, ಮನೆ ಅಥವಾ ಓದಿನ ಒತ್ತಡಗಳು ಇದಕ್ಕೆ ಕಾರಣವಾಗಬಹುದು. ಪಿಸಿಒಎಸ್​ ಸಮಸ್ಯೆ ಹೊಂದಿರುವರಲ್ಲಿ ಮಾಸಿಕ ಋತುಚಕ್ರದಲ್ಲಿ ವ್ಯತ್ಯಯವಾಗುವುದರಿಂದ ಅವರು ನಿಯಮಿತವಾಗಿ ವ್ಯಾಯಾಮ ಮತ್ತು ಆರೋಗ್ಯಕರ ಜೀವನ ಶೈಲಿಯನ್ನು ರೂಢಿಸಿಕೊಳ್ಳಬೇಕು ಎಂದು ವೈದ್ಯರು ಸಲಹೆ ನೀಡುತ್ತಾರೆ.

ಪಿಸಿಒಎಸ್​ ಸಮಸ್ಯೆಗೆ ಜ್ಯೂಸ್​ಗಳು ಕೂಡ ಅದ್ಬುತವಾಗಿ ಕಾರ್ಯನಿರ್ವಹಿಸುತ್ತವೆ. ಇದರಲ್ಲಿನ ಪ್ರೊಟೀನ್​ಗಳು ನಿಮಗೆ ಈ ಸಮಸ್ಯೆಯ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತವೆ. ಈ ಹಿನ್ನೆಲೆಯಲ್ಲಿ ಕೆಲವು ಜ್ಯೂಸ್​ಗಳನ್ನು ಸೇವಿಸುವುದೊಳಿತು ಎಂದು ಡಯಟೀಶಿಯನ್​ ವಿಧಿ ಚವ್ಲಾ ತಿಳಿಸಿದ್ದಾರೆ.

ಮೆಂತ್ಯ, ದಾಲ್ಚಿನ್ನಿ ಮತ್ತು ಕಪ್ಪು ಒಣದ್ರಾಕ್ಷಿ ಪಾನೀಯ: ಆರೋಗ್ಯಕರ ಗುಣ ಹೊಂದಿರುವ ಮೆಂತ್ಯೆ ಮಾಸಿಕ ಋತುಚಕ್ರ ನಿಯಂತ್ರಣಕ್ಕೆ ಸಹಾಯಕ. ದಾಲ್ಚಿನಿ ಇನ್ಸು​ಲಿನ್​ ಉತ್ಪಾದನೆ ಮಾಡಲಿದೆ. ಕಪ್ಪು ಒಣದ್ರಾಕ್ಷಿ ರಕ್ತವನ್ನು ಶುದ್ದೀಕರಣ ಮಾಡುವ ಗುಣ ಹೊಂದಿದೆ.

ಜ್ಯೂಸ್​ ಮಾಡುವ ವಿಧಾನ: ಒಂದು ಗ್ಲಾಸ್​ ಬೆಚ್ಚಗಿನ ನೀರಿಗೆ 3-4 ಕಪ್ಪು ಒಣದ್ರಾಕ್ಷಿ, ದಾಲ್ಚಿನಿ ಮತ್ತು ಮೆಂತ್ಯ ಕಾಳುಗಳನ್ನು ಸೇರಿಸಿ. ಇದನ್ನು ರಾತ್ರಿಯಿಡೀ ಹಾಗೇ ಬಿಟ್ಟು ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಸೇವಿಸುವುದರಿಂದ ಉತ್ತಮ ಪರಿಹಾರ ಕಾಣಬಹುದು. ಇದೇ ರೀತಿ 8 ವಾರ ಅನುಸರಿಸಿದರೆ ಸಮಸ್ಯೆಯಿಂದ ಮುಕ್ತಿ ಕಾಣಬಹುದು.

ಅಲೋವೆರಾ: ತಾಜಾತನದ ಅಂಶ ಹೊಂದಿರುವ ಅಲೋವೆರಾ ದೇಹದಲ್ಲಿನ ರಾಸಾಯನಿಕ ರಚನೆಯನ್ನು ಪ್ರತಿರೋಧಿಸುತ್ತದೆ. ಇದು ಜೀರ್ಣಾಂಗ ವ್ಯವಸ್ಥೆಗೂ ಸಹಾಯ ಮಾಡುತ್ತದೆ.

ಜ್ಯೂಸ್​ ಮಾಡುವ ವಿಧಾನ: ನೀರಿಗೆ ಅಲೋವೆರಾ ಬೆರೆಸಿ, ಅದರ ರುಚಿ ಹೆಚ್ಚಿಸಲು ಉಪ್ಪು ಮತ್ತು ಜೇನು ತುಪ್ಪವನ್ನು ಬಳಕೆ ಮಾಡಿ. ಇದನ್ನೂ ಕೂಡ ಬೆಳಗ್ಗೆ ಎದ್ದಾಕ್ಷಣ ಕುಡಿಯಬೇಕು.

ಸೋಯಾ ಹಾಲು: ಹೆಚ್ಚಿನ ಪ್ರೊಟೀನ್​ ಅಂಶ ಹೊಂದಿರುವ ಸೋಯಾ ಇನ್ಸುಲಿನ್​ ಪ್ರತಿರೋಧ ಹೆಚ್ಚಿಸುತ್ತದೆ. ಇದು ಟೆಸ್ಟೋಸ್ಟೆರಾನ್ ಕಡಿಮೆ ಮಾಡುತ್ತದೆ. ಜೊತೆಗೆ ಕೊಲೆಸ್ಟ್ರಾಲ್​ ಮತ್ತು ಹಾರ್ಮೋನ್​ ಮಟ್ಟ ಕಡಿಮೆ ಮಾಡುತ್ತದೆ. ಪ್ರತಿದಿನ ಸೋಯಾ ಹಾಲು ಕುಡಿಯುವುದು ಆರೋಗ್ಯಕ್ಕೆ ಒಳ್ಳೆಯದು.

ಶತಾವರಿ: ಈ ಮೂಲಿಕೆಯು ವಿಟಮಿನ್​, ಮಿನರಲ್ಸ್​ ಮತ್ತು ಫೋಲಿಕ್​ ಆಸಿಡ್​ನಿಂದ ಸಮೃದ್ಧವಾಗಿರುತ್ತದೆ. ಇದು ಆ್ಯಂಟಿಆಕ್ಸಿಡೆಂಟ್​ ರೀತಿ ಮಹಿಳೆಯರ ಉತ್ಪಾದನಾ ವ್ಯವಸ್ಥೆಯನ್ನು ನಿರ್ವಹಣೆ ಮಾಡುತ್ತದೆ. ಜೊತೆಗೆ ಮಹಿಳೆಯರ ಫಲವತ್ತತೆ ಹೆಚ್ಚಿಸುತ್ತದೆ.

ಸೇವಿಸುವ ವಿಧಾನ: ಒಂದು ಲೋಟ ನೀರಿಗೆ ಶತಾವರಿ ಪೌಡರ್​ ಮಿಕ್ಸ್​ ಮಾಡಿ ಕುಡಿಯಬಹುದು.

ಅಶ್ವಗಂಧ: ನೈಸರ್ಗಿಕ ಶಕ್ತಿ ನೀಡುವ ಅಶ್ವಗಂಧ ಮೂಡ್​ ಬದಲಾಗುವಂತಹ ಸಮಸ್ಯೆಗೆ ಪರಿಹಾರ ನೀಡುತ್ತದೆ.

ಹೀಗೆ ಸೇವಿಸಿ: ಒಂದು ಲೋಟ ಬೆಚ್ಚಗಿನ ನೀರಿಗೆ ಅಶ್ವಗಂಧ ಪೌಡರ್​ ಬೆರೆಸಿ ಸೇವಿಸಿ. ರಾತ್ರಿ ವೇಳೆ ಕುಡಿಯುವುದು ಉತ್ತಮ.

ಆ್ಯಪಲ್​ ಸಿಂಡರ್​ ವಿನಿಗರ್​: ನೈಸರ್ಗಿಕ ಆಲ್ಕಲೈನ್​ ಗುಣ ಇದರಲ್ಲಿದೆ. ದೇಹದ ಪಿಎಚ್​ ಮಟ್ಟ ನಿರ್ವಹಣೆಗೆ ಸಹಕಾರಿ. ಜೊತೆಗೆ ಇದು ಜೀರ್ಣಕ್ರಿಯೆಯನ್ನು ಸರಾಗಗೊಳಿಸಿ, ಗರ್ಭಕೋಶದಲ್ಲಿ ಸಿಸ್ಟ್​ ಬೆಳವಣಿಗೆ ಆಗದಂತೆ ನೋಡಿಕೊಳ್ಳುತ್ತದೆ.

ಕುಡಿಯುವ ವಿಧಾನ: ಬೆಚ್ಚಗಿನ ನೀರಿಗೆ ಎರಡರಿಂದ ಮೂರು ಟೇಬಲ್​ ಸ್ಪೂನ್​ ಆ್ಯಪಲ್​ ಸಿಂಡರ್​ ವಿನೆಗರ್​ ಹಾಕಿ ಚೆನ್ನಾಗಿ ಬೆರೆಸಿ ಕುಡಿಯಿರಿ.

ಬೀಟ್‌ರೋಟ್‌​ ಕ್ಯಾರೆಟ್​ ಜ್ಯೂಸ್​: ಬೀಟ್​ರೋಟ್​ ಮತ್ತು ಕ್ಯಾರೆಟ್​ ರಕ್ತ ಶುದ್ದಿಗೆ ಹೆಚ್ಚಿನ ಸಹಾಯ ಮಾಡುತ್ತದೆ. ಋತುಚಕ್ರದ ಸಮಯದಲ್ಲಿ ರಕ್ತ ಹೀನತೆಯಿಂದ ಪಾರು ಮಾಡುತ್ತದೆ.

ವಿಧಾನ: ಬೀಟ್​ ರೋಟ್​ ಮತ್ತು ಕ್ಯಾರೆಟ್​ ಅನ್ನು ಸಣ್ಣದಾಗಿ ಹೆಚ್ಚಿ, ಅದನ್ನು ರುಬ್ಬಿದ ಬಳಿಕ ಅದರ ರಸ ಹಿಂಡಿ. ಈ ರಸವನ್ನು ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಸೇವಿಸಿ.

ಇದನ್ನೂ ಓದಿ: ಬಹುತೇಕರನ್ನು ಕಾಡುವ ಕೂದಲು ಉದುರುವ ಸಮಸ್ಯೆ; ಪರಿಹಾರವೂ ನಿಮ್ಮಲ್ಲೇ ಇದೆ!