ಕೆಫೀನ್​ ನಿಮ್ಮನ್ನು ಎಚ್ಚರಿಸಿದರೆ, ಕಾಫಿ ಕ್ರಿಯಾಶೀಲಗೊಳಿಸುತ್ತದೆ: ಅಧ್ಯಯನ ವರದಿ

ಕೆಫೀನ್‌ ನಮ್ಮನ್ನು ಎಚ್ಚರಗೊಳಿಸುತ್ತದೆಯೇ ಅಥವಾ ಇದು ಕಾಫಿ ಸೇವನೆಯಿಂದ ಆಗುತ್ತದೆಯೇ ಎಂಬುದನ್ನು ಕಂಡುಕೊಳ್ಳಲು ಈ ಅಧ್ಯಯನ ನಡೆಸಲಾಗಿತ್ತು.

ನವದೆಹಲಿ: ಮನುಷ್ಯ ಎಚ್ಚರವಾಗುವುದಕ್ಕೂ, ಕ್ರಿಯಾಶೀಲರಾಗಿರುವುದಕ್ಕೂ ಬಹಳ ವ್ಯತ್ಯಾಸವಿದೆ. ಇವೆರಡನ್ನೂ ಕೆಫೀನ್​ ಮಾಡಲು ಸಾಧ್ಯವಿಲ್ಲ. ಇದಕ್ಕೆ ಕಾಫಿ ಹೀರುವುದು ಅವಶ್ಯಕ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ. ಕಾಫಿ vs​ ಕೆಫೀನ್​ ಸೇವನೆ​ಯ ಪರಿಣಾಮಗಳ ಕುರಿತು ಅವರು ಅಧ್ಯಯನ ನಡೆಸಿದ್ದಾರೆ. ವಿಜ್ಞಾನಿಗಳು ಎಚ್ಚರಗೊಳ್ಳುವ ಪರಿಣಾಮ ಕೆಫೆಯಿಂದ ಆಗುತ್ತದೆಯಾ ಅಥವಾ ಇದು ಕಾಫಿ ಸೇವನೆಯಿಂದ ಆಗುತ್ತದೆಯೇ ಎಂಬುದನ್ನು ಅರ್ಥೈಸಿಕೊಳ್ಳುವ ಉದ್ದೇಶ ಹೊಂದಿದ್ದಾರೆ. ಕಾಫಿ ಕ್ರಿಯಾಶೀಲವಾಗಿರುವುದಕ್ಕೆ ಸಹಾಯ ಮಾಡಿದರೆ, ಕೆಫೀನ್​ ಎಚ್ಚರಗೊಳ್ಳುವುದಕ್ಕೆ ಕಾರಣವಾಗುತ್ತದೆ ಎಂಬುದನ್ನು ಅವರು ಕಂಡುಕೊಂಡಿದ್ದಾರೆ.

ಎಚ್ಚರ ಮತ್ತು ಕ್ರಿಯಾಶೀಲತೆ ಎಂದರೇನು?: ಕಾಫಿ ಎಚ್ಚರಗೊಳಿಸುವ ಮತ್ತು ಸೈಕೋಮೋಟರ್​ ಕಾರ್ಯಾಚರಣೆಯನ್ನು ಹೆಚ್ಚಿಸುತ್ತದೆ ಎಂಬುದನ್ನು ಪೊರ್ಚುಗಲ್​ನ ಮಿನೊಹೊ ಯುನಿವರ್ಸಿಟಿಯ ನುನೊ ಸೌಸಾ ತಿಳಿಸಿದ್ದಾರೆ. ಜೈವಿಕ ವಿದ್ಯಮಾನದ ಆಧಾರವಾಗಿರುವ ಕಾರ್ಯವಿಧಾನಗಳನ್ನು ನೀವು ಚೆನ್ನಾಗಿ ಅರ್ಥಮಾಡಿಕೊಂಡಾಗ, ಅದನ್ನು ಮಾರ್ಪಡಿಸುವ ಅಂಶಗಳು ಮತ್ತು ಆ ಕಾರ್ಯವಿಧಾನದ ಸಂಭಾವ್ಯ ಪ್ರಯೋಜನಗಳನ್ನು ಅನ್ವೇಷಿಸುವ ಮಾರ್ಗಗಳನ್ನು ತೆರೆಯುತ್ತೀರಿ ಎಂದು ಅವರು ಹೇಳುತ್ತಾರೆ.

ಇದಕ್ಕಾಗಿ ವಿಜ್ಞಾನಿಗಳು ದಿನದಲ್ಲಿ ಕನಿಷ್ಠ ಒಂದು ಕಪ್​ ಕಾಫಿ ಸೇವಿಸುವ ಅಥವಾ ಕೆಫೀನ್​ಯುಕ್ತ ಪಾನೀಯ ಸೇವಿಸುವವರನ್ನು ನೇಮಕ ಮಾಡಿಕೊಂಡಿದ್ದಾರೆ. ಭಾಗೀದಾರರ ಸೋಶಿಯೊಡೆಮೊಗ್ರಾಫಿಕ್​ ದತ್ತಾಂಶವನ್ನು ಸಂದರ್ಶನದ ಮೂಲಕ ಪಡೆಯಲಾಗಿದೆ. ಕೆಫೀನ್​ ಅಥವಾ ಕಾಫಿ ಸೇವಿಸುವ 30 ನಿಮಿಷದ ಮುಂಚೆ ಮತ್ತು ನಂತರ ಅವರ ಮಿದುಳನ್ನು ಎಂಆರ್​ಐ ಮೂಲಕ ಸ್ಕ್ಯಾನಿಂಗ್​​ಗೆ ಒಳಪಡಿಸಲಾಗಿದೆ. ಸ್ಕ್ಯಾನಿಂಗ್‌ನಲ್ಲಿ​ ಭಾಗೀದಾರರಿಗೆ ವಿಶ್ರಾಂತಿ ಪಡೆಯುವಂತೆ ಹೇಳಲಾಗಿದ್ದು, ಮನಸ್ಸಿನ ಆಲೋಚನೆಯ ಓಡಾಟಕ್ಕೆ ಬ್ರೇಕ್​ ಬೇಡ ಎಂದು ತಿಳಿಸಲಾಗಿದೆ. ಕಾಫಿ ಸೇವನೆಯ ಬಳಿಕ ನ್ಯೂರೊಕೆಮಿಕಲ್​ ಪರಿಣಾಮಗಳ ಬಗ್ಗೆ ಅರಿವು ಹೊಂದಲಾಗಿದೆ.

ಕಾಫಿ ಚುರುಕು ಮೂಡಿಸಲು ಬೇಕು: ಕಾಫಿ ಕುಡಿಯುವವರು ಮತ್ತು ಕೆಫೀನ್ ತೆಗೆದುಕೊಳ್ಳುವವರಲ್ಲಿ, ಆತ್ಮಾವಲೋಕನ ಜಾಲದ ಸಂಪರ್ಕ ಕಡಿಮೆಯಾಗಿದೆ ಎಂಬುದು ಪತ್ತೆಯಾಗಿದೆ. ಕಾಫಿ ಮತ್ತು ಕೆಫೀನ್ ಸೇವನೆಯು ಜನರನ್ನು ಹೆಚ್ಚು ಸಕ್ರಿಯವಾಗಿರಲು ಮತ್ತು ಕೆಲಸ ಮಾಡಲು ಉತ್ತೇಜಿಸುತ್ತದೆ. ಅಲ್ಲದೆ, ಕಾಫಿ ಕುಡಿಯುವವರಲ್ಲಿ ಮಾತ್ರ ಕೆಲಸ ಮಾಡುವ ಸ್ಮರಣೆ, ​​ಅರಿವಿನ ನಿಯಂತ್ರಣ ಮತ್ತು ಗುರಿ ನಿರ್ದೇಶಿತ ನಡವಳಿಕೆ ಹೆಚ್ಚಾಗಿ ಕಂಡುಬಂದಿದೆ.

ಅಧ್ಯಯನದ ಫಲಿತಾಂಶ ಹೀಗಿದೆ..: ಈ ಅಂಶಗಳು ಕೆಫೀನ್​ನಲ್ಲಿ ಕಂಡು ಬಂದಿಲ್ಲ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ. ನೀವು ಕೇವಲ ಎಚ್ಚರವಾಗಿರದೇ, ಹೊರಡಲು ಸಿದ್ದವಾಗಬೇಕು ಎಂದರೆ ಕೆಫೀನ್​ ಒಂದೇ ಸಾಕಾಗುವುದಿಲ್ಲ. ಕಾಫಿ ಸೇವನೆ ಅವಶ್ಯ. ಸರಳವಾಗಿ ಹೇಳುವುದಾದರೆ, ಕ್ರಿಯಾಚಟುವಟಿಕೆಗಳ ನಡೆಸಲು ಕಾಫಿ ನಿಮ್ಮನ್ನು ಸಿದ್ದಗೊಳಿಸುತ್ತದೆ ಎಂದು ಸ್ಪೇನ್​ನ ಜ್ಯುಮೆ ಐ ಯೂನಿವರ್ಸಿಟಿಯ ಮಾರಿಯಾ ಪಿಕೊ ಪೆರೆಜ್​ ತಿಳಿಸಿದ್ದಾರೆ. ಇವರು ಅಧ್ಯಯನದ ಪ್ರಥಮ ಲೇಖಕರು ಆಗಿದ್ದಾರೆ. ಕೆಫೀನ್​ನ ಮರು ಉತ್ಪಾದನೆ ಪರಿಣಾಮದ ಕೆಲವು ಅಂಶಗಳು ಗಣನೆಗೆ ತೆಗೆದುಕೊಳ್ಳಲಾಗಿದೆ. ಇತರೆ ಕೆಫಿನೇಟೆಡ್​ ಡ್ರಿಂಕ್ಸ್‌​ಗಳು ಇದೇ ಪರಿಣಾಮವನ್ನು ಹೊಂದಿದೆ ಎಂದು ನಿರೀಕ್ಷೆ ಮಾಡಲು ಸಾಧ್ಯವಿಲ್ಲ ಎಂದಿದ್ದಾರೆ.

ಇದನ್ನೂ ಓದಿ: ಹೆಚ್ಚು ಕಾಫಿ ಆರೋಗ್ಯಕ್ಕೆ ಒಳ್ಳೆಯದಲ್ಲ; ಆದ್ರೆ, ಈ ಅನುಕೂಲಗಳೂ ಇವೆ!