ನಕಾರಾತ್ಮಕ ಭಾವನೆಯಿಂದಲೂ ಯಶಸ್ಸು ಸಾಧ್ಯ; ಆದರೆ, ಆರೋಗ್ಯದ ಮೇಲೆ ಪರಿಣಾಮ ಹೆಚ್ಚು

ಯಶಸ್ಸು ಎಂಬುದು ವ್ಯಕ್ತಿಯ ಸಕಾರಾತ್ಮಕ ಮತ್ತು ಭರವಸೆಯ ಮನೋಭಾವದ ಪ್ರತೀಕ. ಇದಕ್ಕೆ ಹೊರತಾಗಿ ಕೋಪ ಮತ್ತು ಆತಂಕದ ಭಾವನೆಗಳು ಕೂಡ ಈ ಯಶಸ್ಸನ್ನು ತಂದುಕೊಡುತ್ತವೆ. ಆದರೆ, ಆರೋಗ್ಯದ ಮೇಲೆ ಇದರ ಪರಿಣಾಮ ಹೆಚ್ಚಿರುತ್ತದೆ.

ನಿರಾಳತೆ ಮತ್ತು ಸಂಭ್ರಮಕ್ಕಿಂತಲೂ ಆತಂಕ ಮತ್ತು ಕೋಪ ದೊಡ್ಡ ಯಶಸ್ಸು ತಂದುಕೊಡಬಹುದು. ಆದರೆ, ಇದು ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರಲಿದೆ ಎಂದು ಹೊಸ ಸಂಶೋಧನೆ ಹೇಳುತ್ತದೆ. ಯುನಿವರ್ಸಿಟಿ ಆಫ್​ ಎಸೆಕ್ಸ್​​ ಈ ಕುರಿತು ಸಂಶೋಧನೆಯ ನಡೆಸಿದೆ. ಯಶಸ್ಸಿನ ಮೇಲೆ ಪರಿಣಾಮ ಬೀರುವ ವೈಜ್ಞಾನಿಕವಾಗಿ ಗುರುತಿಸಲ್ಪಟ್ಟ 12 ಭಾವನೆಗಳ ಮೇಲೆ ನಡೆದ ಈ ಅಧ್ಯಯನ ಜರ್ನಲ್​ ಆಫ್​ ಪರ್ಸನಾಲಿಟಿ ಅಂಡ್​ ಸೋಶಿಯಲ್​ ಸೈಕಾಲಾಜಿ ಜರ್ನಲ್​ನಲ್ಲಿ ಪ್ರಕಟವಾಗಿದೆ.

ನಕಾರಾತ್ಮಕ ಭಾವನೆಗಳು ಎಂದು ಗುರುತಿಸಲಾಗಿರುವ ಆತಂಕ ಮತ್ತು ಕೋಪವು ಸಂತೋಷ ಮತ್ತು ಭರವಸೆಗಳನ್ನು ನೀಡುತ್ತದೆ. ಇದರ ಜೊತೆಗೆ ಇದು ದುರ್ಬಲ ಆರೋಗ್ಯ, ಒತ್ತಡ ಸಂಬಂಧಿತ ಮನೋದೈಹಿಕ ಲಕ್ಷಣಗಳಾದ ತಲೆನೋವು, ವಾಕರಿಕೆ, ಬೆನ್ನು ನೋವು ಮತ್ತು ನಿದ್ರೆಯ ಕೊರತೆ ಸೇರಿದಂತೆ ಹಲವು ಸಮಸ್ಯೆಗಳಿಗೆ ಕಾರಣವಾಗುತ್ತದೆ.

ಭರವಸೆಯೇ ಪ್ರಮುಖ ಅಂಶ: ಭರವಸೆ ಎಂಬುದು ಅತ್ಯಂತ ಶಕ್ತಿಯುತ ಭಾವನೆ. ಕಲಿಕೆಯ ಸಂತೋಷ, ಯಶಸ್ಸಿನ ಬಯಕೆಯ ಸಾಧನಗಳಿಗೆ ಸಕಾರಾತ್ಮಕ ಗ್ರಹಿಕೆ ಮತ್ತು ನಿಯಂತ್ರಣಗಳನ್ನು ಪತ್ತೆ ಮಾಡುವುದು ಕಾರಣ. ಇಬ್ಬರು ವಿದ್ಯಾರ್ಥಿಗಳು ಏಕಕಾಲದಲ್ಲಿ ಪರೀಕ್ಷೆ ಎದುರಿಸಿದಾಗ, ಸಕಾರಾತ್ಮಕತೆ ಹೊಂದಿರುವ ವಿದ್ಯಾರ್ಥಿಯನ್ನು ಸಿಯನ್ನು ಹೊಂದಿದ್ದು, ಕಡಿಮೆ ಆಶಾವಾದಿಯಾಗಿರುವ ವಿದ್ಯಾರ್ಥಿ ಡಿಯನ್ನು ಪಡೆಯದಿದ್ದಾನೆ.

ಈ ಯಶಸ್ಸಿನ ಭಾವನೆ ಅಳೆಯಲು ಇದೇ ಮೊದಲ ಬಾರಿಗೆ 3ಡಿ ಮಾದರಿ ಅಭಿವೃದ್ಧಿಪಡಿಸಲಾಗಿದೆ. ಆರಂಭದಲ್ಲಿ ಇದು ಅಮೂರ್ತವೆಂದು ಕಂಡು ಬಂದರೂ ಸಾಧನೆಯ ಭಾವನೆಗಳು ವಿಮರ್ಶಾತ್ಮಕವಾಗಿ ಮುಖ್ಯ. ಕೆಲಸದ ಸಂದರ್ಶನಗಳು, ಪರೀಕ್ಷೆಗಳು ಮತ್ತು ಇತರ ಒತ್ತಡದ ಸಂದರ್ಭಗಳಲ್ಲಿ ಹೇಗೆ ಕಾರ್ಯನಿರ್ವಹಿಸುತ್ತವೆ ಎಂಬುದನ್ನು ಇದು ತಿಳಿಸುತ್ತದೆ ಎಂದು ಅಧ್ಯಯನದ ಲೇಖಕ ಪ್ರೊ.ರೆನ್​ಹಾರ್ಡ್​ ಪೆಕ್ರುನ್​ ತಿಳಿಸಿದ್ದಾರೆ.

ಕೋಪವೂ ಯಶಸ್ಸಿಗೆ ಪ್ರೇರಣೆ: ವಿಶೇಷ ಎಂದರೆ, ಸಂತೋಷ ಮತ್ತು ನಿರಾಳತೆಗಿಂತ ಆತಂಕ ಮತ್ತು ಕೋಪು ಕೆಲವೊಮ್ಮೆ ನಮ್ಮನ್ನು ಪ್ರೇರಣೆಗೊಳಿಸಬಹುದು. ಆದರೆ, ಅತಿಯಾದ ಕೋಪ ಮಾನಸಿಕ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ಪ್ರತಿರಕ್ಷಣಾ ವ್ಯವಸ್ಥೆಯ ಕಾರ್ಯನಿರ್ವಹಣೆಯನ್ನು ದುರ್ಬಲಗೊಳಿಸಬಹುದು. ದೀರ್ಘಾವಧಿಯಲ್ಲಿ ಕಾರ್ಯಕ್ಷಮತೆಯ ಕುಸಿತಕ್ಕೆ ಕಾರಣವಾಗಬಹುದು.

ಯಶಸ್ಸಿಗೆ ಭರವಸೆ ಎಂಬುದು ಆರೋಗ್ಯಕರ ಮತ್ತು ಉತ್ತಮವಾಗಿದ್ದು, ಇದು ದೀರ್ಘಕಾಲದ ಸಂತೋಷ ನೀಡುತ್ತದೆ. ವೈಫಲ್ಯ ಮತ್ತು ಕಷ್ಟಗಳು ಭವಿಷ್ಯವನ್ನು ವ್ಯಾಖ್ಯಾನಿಸುವುದಿಲ್ಲ. ವೈಫಲ್ಯದ ಗ್ರಹಿಕೆ ಭಾವನಾತ್ಮಕ ಪ್ರತಿಕ್ರಿಯೆಗಳ ಮೇಲೆ ಬಲದವಾದ ಪರಿಣಾಮ ಬೀರುತ್ತದೆ ಎಂದಿದ್ದಾರೆ.

ಈ ಅಧ್ಯಯನವನ್ನು ಬ್ರಿಟನ್​, ಜರ್ಮನಿ, ಅಮೆರಿಕ ಮತ್ತು ಕೆನಡಾದಲ್ಲಿ ಸಮಾನ ಮನೋಭಾವದ ಅನೇಕ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳ ಮೇಲೆ ನಡೆಸಲಾಗಿದೆ. ಅಧ್ಯಯನವನ್ನು ಸುಮಾರು 1000 ಜನರ ಮೇಲೆ ನಡೆಸಲಾಗಿದೆ. ತರಬೇತುದಾರರು, ಶಿಕ್ಷಕರು ಮತ್ತು ವ್ಯವಸ್ಥಾಪಕರು ವಿದ್ಯಾರ್ಥಿಗಳ ಸಾಧನೆಗೆ ಹೇಗೆ ಪ್ರೇರೇಪಿಸುತ್ತಾರೆ ಎಂಬುದನ್ನು ಪರಿಗಣಿಸಲಾಗಿದೆ. ಯಶಸ್ಸಿಗೆ ಒತ್ತು ನೀಡುವ ಬದಲು ಕಾರ್ಯಗಳ ಮೌಲ್ಯ, ಅರ್ಥ ಮತ್ತು ಆಸಕ್ತಿಯನ್ನು ಉತ್ತೇಜಿಸುವುದು ಉತ್ತಮ ಫಲಿತಾಂಶಗಳಿಗೆ ಕಾರಣವಾಗುತ್ತವೆ ಎಂದು ಅಧ್ಯಯನದಲ್ಲಿ ತಿಳಿದು ಬಂದಿದೆ.

ಇದನ್ನೂ ಓದಿ: ಹೆಚ್ಚಿದ ಬೇಸಿಗೆಯ ಬಿಸಿ: ಸಾಕಷ್ಟು ಪ್ರಮಾಣದಲ್ಲಿ ನೀರು ಕುಡಿದರೆ ಈ ಸಮಸ್ಯೆಗಳು ದೂರ..