ನವದೆಹಲಿ: ಬೇಸಿಗೆಯಲ್ಲಿ ನಿರಂತಕವಾಗಿ ಹೊರಗಿನ ಚಟುವಟಿಕೆಗಳಿಗೆ ಯೋಜನೆ ರೂಪಿಸಬಹುದು. ಚಾರಣ ಸೇರಿದಂತೆ ಇನ್ನಿತರ ಮೋಜುಗಳಿಗೆ ಬೇಸಿಗೆ ಸೂಕ್ತ ಸಮಯ. ಆದರೆ, ಮೈಮರೆತು ಬಿಸಿಲಿನ ಓಡಾಟ ಹೆಚ್ಚು ಮಾಡುವುದರಿಂದ ದೇಹವನ್ನು ಟ್ಯಾನ್ ಆಗಿಸುವ ಭಯ ಮೂಡುತ್ತದೆ. ಸುಡು ಬಿಸಿಲಿಗೆ ಮೈಯನ್ನು ಒಡ್ಡುವುದುರಿಂದ ಚರ್ಮ ಕಂದುಬಣ್ಣಕ್ಕೆ ತಿರುಗುವ ಸಾಧ್ಯತೆ ಇದೆ. ಈ ವೇಳೆ ಇಂತಹ ಚಟುವಟಿಕೆಯಿಂದ ದೂರ ಇರುವಂತೆ ಮಾಡುತ್ತದೆ. ಆದರೆ, ಇಂತಹ ಟ್ಯಾನಿಂಗ್ನಿಂದ ತಪ್ಪಿಸಿಕೊಳ್ಳುವುದು ಇದೀಗ ಸುಲಭ. ಕೆಲವು ಸರಳ ಮನೆ ಮದ್ದುಗಳನ್ನು ಬಳಸಿಕೊಂಡು ಈ ಟ್ಯಾನಿಂಗ್ ಅನ್ನು ತೊಡೆದು ಹಾಕಬಹುದು. ಇದಕ್ಕಾಗಿ ಆಯುರ್ವೇದಿಕ್ ಸ್ಕೀನ್ಕೇರ್ ಮತ್ತು ಬ್ಯೂಟಿ ಪ್ರೊಡಕ್ಟ್ ಬ್ರಾಂಡ್ನ ಸಹ ಸಂಸ್ಥಾಪಕರಾದ ಶ್ರೀಧಾ ಸಿಂಗ್ ಕೆಲವು ಆಯುರ್ವೇದಿಕ್ ಉಪಾಯಗಳನ್ನು ನೀಡಿದ್ದಾರೆ
ಆಯುರ್ವೇದಿಕ್ ಬಾಡಿ ಮಸಾಜ್: ಎರಡು ಟೀ ಸ್ಪೂನ್ ತ್ರಿಫಲ ಚೂರ್ಣಕ್ಕೆ ಚಿಟಿಕೆ ಅರಿಶಿಣ, ಟಿ. ಸ್ಪೂನ್ ಕಡಲೆ ಹಿಟ್ಟು ಮತ್ತು ಕೆಲವು ಹನಿ ರೋಸ್ ವಾಟರ್ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ಈ ಮಿಶ್ರಣವನ್ನು ಟ್ಯಾನ್ ಆಗಿರುವ ಜಾಗದಲ್ಲಿ ಚೆನ್ನಾಗಿ ಮಸಾಜ್ ಮಾಡಿ, 15 ನಿಮಿಷದ ಬಳಿಕ ಚೆನ್ನಾಗಿ ತೊಳೆಯಿರಿ.
ಕಾಫಿ ಬಾಡಿ ಸ್ಕ್ರಬ್: ಒಂದು ಅಥವಾ ಎರಡು ಟಿ. ಸ್ಪೂನ್ ಬಾದಾಮಿ ಅಥವಾ ತೆಂಗಿನ ಎಣ್ಣೆ, ಅರ್ಥ ಚಮಚ ಸಕ್ಕರೆ, ಒಂದೆರಡು ಹನಿ ನಿಂಬೆ ರಸ, ಒಂದು ಟಿ. ಕಾಫಿ ಪೌಡರ್ ಅನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ದೇಹಕ್ಕೆ ಹಚ್ಚಿ ಚೆನ್ನಾಗಿ ಮಸಾಜ್ ಮಾಡಿ ಒಣಗಲು ಬಿಡಿ. ಬಳಿಕ ಅದನ್ನು ಚೆನ್ನಾಗಿ ತೊಳೆಯಿರಿ. ವಾರಕ್ಕೆ ಎರಡು ದಿನ ಹೀಗೆ ಮಾಡುವುದರಿಂದ ತ್ವಚೆ ಹೊಳಪು ಕಾಣುತ್ತದೆ.
ಪಪ್ಪಾಯ ಮಾಸ್ಕ್: ಚರ್ಮಕ್ಕೆ ಅದ್ಭುತ ಪ್ರಯೋಜನ ನೀಡುವ ಪದಾರ್ಥದಲ್ಲಿ ಪಪ್ಪಾಯ ಕೂಡಾ ಒಂದು. ಈ ಹಣ್ಣಿನಲ್ಲಿ ಎನ್ಜಿಮಾ ಇದ್ದು, ಇದು ಚರ್ಮವನ್ನು ಡಿ ಟ್ಯಾನ್ ಮಾಡಿ, ಹೊಳಪು ನೀಡುತ್ತದೆ. ಹೆಚ್ಚುವರಿಯಾಗಿ ಇದು ಚರ್ಮದ ಹುಣ್ಣನ್ನು ನಿವಾರಣೆ ಮಾಡಿ, ದೇಹದ ಕಂದು ಬಣ್ಣವನ್ನು ತೆಗೆದು ಹಾಕುತ್ತದೆ. ಒಂದು ಟೇಬಲ್ ಸ್ಪೂನ್ ಜೇನು ತುಪ್ಪ ಮತ್ತು ಅರ್ಧ ಕಳಿತ ಪಪ್ಪಾಯ ತಿರುಳು ಒಂದು ಬಟ್ಟಲನ್ನು ತೆಗೆದುಕೊಂಡು ಅದನ್ನು ಟ್ಯಾನ್ ಆದ ದೇಹದ ಭಾಗಕ್ಕೆ ಹಚ್ಚಿ ಚೆನ್ನಾಗಿ ಮಸಾಜ್ ಮಾಡಿ ಹತ್ತು ನಿಮಿಷದ ಬಳಿಕ ಚೆನ್ನಾಗಿ ತೊಳೆಯಿರಿ. ಇದಾದ ಬಳಿಕ ಮಾಶ್ಚರೈಸರ್ ಹಚ್ಚಿ.
ನಲ್ಪಮರದಿತೈಲಂ: ಈ ಎಣ್ಣೆ ದೇಹಕ್ಕೆ ಹೊಳಪಿನ ಜೊತೆಗೆ ಹಗುರ ಭಾವನೆಯನ್ನು ಉಂಟು ಮಾಡುತ್ತದೆ. ಜೊತೆಗೆ ಚರ್ಮಕ್ಕೆ ಬೇಕಾದ ಪೋಷಕಾಂಶದ ಆರೈಕೆ ಕೂಡಾ ಮಾಡುತ್ತದೆ.
ಅರಿಶಿಣ ಮತ್ತು ಕಡಲೆಹಿಟ್ಟಿನ ಪ್ಯಾಕ್: ಎರಡು ಟೇಬಲ್ ಸ್ಪೂನ್ ಕಡಲೆಹಿಟ್ಟಿಗೆ ಒಂದು ಟೀ ಸ್ಪೂನ್ ಹಾಲು ಅಥವಾ ಮೊಸರು ಮತ್ತು ಒಂದು ಟಿ. ಸ್ಪೂನ್ ಅರಿಶಿಣ ಪುಡಿಯ ಗಟ್ಟಿ ಪ್ಯಾಪ್ ಮಾಡಿ. ಸೂರ್ಯನಿಂದ ಬಾಧಿತ ಪ್ರದೇಶಗಳಿಗೆ ಚೆನ್ನಾಗಿ ಹಚ್ಚಿ. 30 ನಿಮಿಷದ ಬಳಿಕ ಬೆಚ್ಚಗಿನ ನೀರಿನಲ್ಲಿ ತೊಳೆಯಿರಿ.
ಬಾಳೆಹಣ್ಣು ಮತ್ತು ಜೇನುತುಪ್ಪದ ಪ್ಯಾಕ್: ಚೆನ್ನಾಗಿ ಕಳಿತ ಬಾಳೆಹಣ್ಣಿಗೆ ಒಂದು ಚಮಚ ಜೇನುತುಪ್ಪ, ಕೆಲವು ಹನಿ ಹಾಲು ಮತ್ತು ಮಲೈ ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಿ ಟ್ಯಾನ್( ಚರ್ಮ ಕಂದು ಬಣ್ಣಕ್ಕೆ ತಿರುಗಿರುವ) ಆಗಿರುವ ಕಡೆ ಹಚ್ಚಿ. 15 ನಿಮಿಷದ ಬಳಿಕ ಚೆನ್ನಾಗಿ ತೊಳೆಯಿರಿ.
ತೆಂಗಿನ ಹಾಲು: ನೈಸರ್ಗಿಕವಾಗಿ ಕಂದುಬಣ್ಣವನ್ನು ಸುಲಭವಾಗಿ ಇದು ಶಮನ ಮಾಡುತ್ತದೆ. ವಿಟಮಿನ್ ಸಿ ಮತ್ತು ಲ್ಯಾಕ್ಟಿಕ್ ಆಮ್ಲ ತೆಂಗಿನ ಹಾಲಿನಲ್ಲಿ ಯಥೇಚ್ಛವಾಗಿದ್ದು, ಇದು ಚರ್ಮಕ್ಕೆ ಹೆಚ್ಚು ಪರಿಣಾಮಕಾರಿ. ಜೊತೆಗೆ ಇದು ಮಾಶ್ಚರೈಸರ್ ಮಾಡಿ ಪೋಷಕಾಂಶವನ್ನು ನೀಡುತ್ತದೆ. ಇದರಿಂದ ಚರ್ಮ ಕೂಡ ಹೈಡ್ರೇಟ್ ಆಗಿ ಇರುತ್ತದೆ.
ಹೆಸರುಬೇಳೆ, ಆಲೋವೆರಾ ಮತ್ತು ಟೊಮೆಟೊ ಪ್ಯಾಕ್: ಆಲೋವೇರಾಗೆ ಟೊಮೇಟೊ, ಹೆಸರು ಬೇಳೆ ಹಾಕಿ ಮಿಕ್ಸ್ ಮಾಡಿ, ಪೇಸ್ಟ್ ತಯಾರಿಸಿ, ಈ ಪೇಸ್ಟ್ ಅನ್ನು ದೇಹದ ಭಾಗಗಳಿಗೆ ಹಚ್ಚಿ 30 ನಿಮಿಷದ ಬಳಿಕ ತೊಳೆಯಿರಿ. ವಾರದಲ್ಲಿ ಎರಡು ವಾರ ಈ ರೀತಿ ಮಾಡುವುದರಿಂದ ಉತ್ತಮ ಫಲಿತಾಂಶ ಕಾಣಬಹುದು.
ಅಕ್ಕಿಹಿಟ್ಟಿನ ಸ್ಕ್ರಾಬ್: 1-2 ಸ್ಪೂನ್ ಅಕ್ಕಿ ಹಿಟ್ಟಿಗೆ ಹಾಲು ಹಾಕಿ ಬೆನ್ನಾಗಿ ಮಿಶ್ರಣ ಮಾಡಿ, ಬಳಿಕ ಕೈ-ಕಾಲು ಮುಖಕ್ಕೆ ಹಚ್ಚಿ. 20 ನಿಮಿಷವಾದ ಬಳಿಕ ಸಾಮಾನ್ಯ ನೀರಿನಲ್ಲಿ ಚೆನ್ನಾಗಿ ತೊಳೆಯಿರಿ.
ಸನ್ಸ್ಕ್ರೀನ್ ಬಳಕೆ: ಚರ್ಮವೂ ಬಿಸಲಿಗೆ ಬೇಗ ಕಂದು ಬಣ್ಣಕ್ಕೆ ತಿರುಗುತ್ತದೆ. ಇದನ್ನು ತೆಗೆಯಲು ತಿಂಗಳು ಕಾಲ ಬೇಕಾಗುವುದು. ಈ ಹಿನ್ನೆಲೆ ಸೂರ್ಯನ ಬಿಸಿಲಿಗೆ ಒಡ್ಡಿಕೊಳ್ಳುವ ಮೊದಲು ಸನ್ಸ್ಕ್ರೀನ್ ಹಚ್ಚುವುದು ಅವಶ್ಯ.
ಇದನ್ನೂ ಓದಿ: ಸಸ್ಯಹಾರಿಗಳಲ್ಲಿ ಕಾಡುವ ವಿಟಮಿನ್ ಬಿ 12 ಕೊರತೆಗೆ ಇಲ್ಲಿದೆ ಪರಿಹಾರ!
